लोणी काळभोर । देशभर नुकतेच प्रशिक्षणार्थी असलेल्या आयएएस अधिकारी पूजा खेडकर यांचे प्रकरण ताजे असतानाच लोणी काळभोर वडकी परिसरात सुद्धा बनावट अधिकारी असल्याची घटना घडली आहे.

वडकी हद्दीतील रेणुका करनुरे यांनी आयएएस असण्याची बतावणी करून परिसरातील महिलांची फसवणूक केली आहे. महिलांना  आयएएस असण्याची बतावणी करून सदर भागातील महिलांना सावकारी व्याजाने पैसे दिल्याचा आरोप रेणुका करनुरे याच्यावर करण्यात आला आहे. या आरोपानंतर  लोणी काळभोर पोलीस स्टेशनमध्ये  सावकारी अधिनियम नुसार रेणुका करनुरेवर गुन्हा दाखल करण्यात आला होता.

अशात आता रेणुका करनुरे प्रथम वर्ग न्यायदंडाधिकारी न्यायालय पुणे यांनी रक्कम रुपये 50,000/- रुपयांच्या जातमुचलक्यावर जामीनावर मुक्त केले आहे.

सदर महिलेने कधीही त्या आयएएस आहेत अशी बतावणी केलेली नाही,अथवा  कोणतीही रक्कम व्याजाने दिलेली नाही तसेच फिर्यांदी यांनी सांगितल्याप्रमाणे एफ आय आर मधील रकमांच्या तपशिलामध्ये तफावत आढळून येते इत्यादी.. मुद्द्यांचा विचार करून रेणुका करनुरे यांच्या वकिलांचा युक्तिवाद ग्राह्य धरून न्यायालयाने जामीन मंजूर केला. आरोपी महिला यांच्यातर्फे ऍड विराज करचे पाटील,ऍड छत्रसाल ताकवले,ऍड प्रणय सावंत ऍड संकेत जगताप यांनी काम पाहिले.