वाघोली : सायबर चोरट्यांकडून फसवणूकीचे सत्र सुरुच आहे. शेअर मार्केट, रेटिंग देऊन पैसे कमावणे, कुरिअरमध्ये अंमली पदार्थ आदी कारणे सांगून सायबर चोरटे आर्थिक फसवणूक करत आहेत.

चोरट्यांनी तीन जणांची तब्बल 14 लाख 18 हजार रुपयांची फसवणूक केली आहे. ऑनलाईन रेटिंगच्या बदल्यात नफा मिळवून देण्याच्या आमिषाने एकाची 6 लाख 22 हजार 895 रुपयांची फसवणूक करण्यात आली आहे. याप्रकरणी वाघोलीत राहणार्या 32 वर्षीय तरुणाने लोणीकंद पोलिस ठाण्यात फिर्याद दाखल केली आहे.

सायबर चोरट्याने फिर्यादी यांच्याशी संपर्क करुन ऑनलाईन शॉपिंग रेटिंग केल्यास चांगला मोबदला देण्यात येईल असे सांगितले. तसेच शेअर ट्रेडिंग मध्ये गुंतवणूक केल्यास चांगला नफा देण्याच्या बहाण्याने फसवणूक केल्याचे तक्रारीत नमुद करण्यात आले आहे.

स्टॉक ट्रेडिंगमध्ये 100 टक्के नफा मिळवणू देण्याच्या आमिषाने एकाची 5 लाखांची फसवणूक करण्यात आली आहे. याप्रकरणी वाघोलीत राहणार्या 34 वर्षीय व्यक्तीने लोणीकंद पोलिस ठाण्यात फिर्याद दाखल केली आहे.