Pune water supply shutdown : जुने पर्वती जलशुद्धीकरण केंद्र आणि शहरातील विविध जलकेंद्रांमध्ये विद्युत पंपिंग व स्थापत्यविषयक तातडीची देखभाल-दुरुस्तीची कामे करण्यात येणार आहेत. त्यामुळे बुधवार (९ सप्टेंबर) रात्री १२ वाजल्यापासून गुरुवार (१० सप्टेंबर) रात्री १२ वाजेपर्यंत उपनगरांसह शहरातील संबंधित भागांचा पाणीपुरवठा बंद राहणार आहे.

यामध्ये स्टेज-२ पर्वती HLR झोन, भामा आसखेड जॅकवेल, वारजे जलकेंद्र, एस.एन.डी.डी. (HLR), चांदणी चौक, गांधी भवन, पॅनकार्ड क्लब GSR, वारजे जलकेंद्रालगतचा GSR, पाषाण-सुस गोल टाकी, चतुःश्रृंगी टाकी, जुने वारजे जलकेंद्र, नवीन व जुने होळकर जलकेंद्र, कोंढवे-धावडे जलकेंद्र तसेच वडगाव जलकेंद्राच्या अखत्यारीतील परिसराचा समावेश आहे.

शुक्रवार (११ सप्टेंबर) रोजी सकाळचा पाणीपुरवठा उशिरा आणि कमी दाबाने होण्याची शक्यता आहे. नागरिकांनी याची नोंद घेऊन पाणी जपून वापरावे आणि प्रशासनाला सहकार्य करावे, असे आवाहन करण्यात आले आहे.