पुणे: प्रभाग क्रमांक २० (शंकर महाराज मठ–बिबवेवाडी) येथील राजकीय वातावरण तापले असून, राष्ट्रवादी काँग्रेसच्या उमेदवारांनी प्रचारात आघाडी घेतली आहे. गौरव घुले, प्रितम नागपूरे, अस्मिता शिंदे व रश्मी आमराळे यांच्या प्रचार फेरीला लोअर इंदिरानगर परिसरात नागरिकांचा उत्स्फूर्त प्रतिसाद मिळाला. बिबवेवाडीच्या विकासाचे स्पष्ट व्हिजन मांडणाऱ्या उमेदवारांचे मतदारांनी जंगी स्वागत केले. प्रचारादरम्यान ज्येष्ठ नागरिक संघ, भजनी मंडळे तसेच दुर्गामाता नवरात्री उत्सव मंडळाचे पदाधिकारी मोठ्या संख्येने सहभागी झाले होते. लोअर इंदिरानगरमध्ये महिलांनी औक्षण करून उमेदवारांना विजयासाठी शुभेच्छा दिल्या. यावेळी ज्येष्ठ नेते गणेश घुले, आप्पा आमराळे व गोकुळ शिंदे यांचे मार्गदर्शन उमेदवारांना लाभले. मतदारांशी संवाद साधताना उमेदवारांनी, “आम्ही केवळ निवडणूक जिंकण्यासाठी नाही, तर बिबवेवाडीचा चेहरामोहरा बदलण्यासाठी मैदानात उतरलो आहोत. मूलभूत सुविधा, पाण्याचा प्रश्न, महिलांची सुरक्षितता आणि युवकांसाठी रोजगार संधी उपलब्ध करून देणे हेच आमचे मुख्य ध्येय आहे,” असे सांगितले. यावेळी राजकीय कार्यकर्त्यांसह सामाजिक संस्थांचा सक्रिय सहभाग लाभल्याचे चित्र पाहायला मिळाले. दुर्गामाता नवरात्री उत्सव मंडळ व भजनी मंडळाच्या कार्यकर्त्यांनी घोषणाबाजी करत उमेदवारांना पाठिंबा दर्शवला. यावेळी सागर गोळे, विशाल टेकाळे, गोपाळ खोपडे, राजू कडू, शुभम मोरे, प्रमोद मोहिते, नितीन पवार व यश धुमाळ यांनी प्रभागात परिवर्तनाचा संकल्प व्यक्त केला. हेही वाचा: Pune : प्रभाग क्रमांक १७ मध्ये उमेदवारांचा जोरदार प्रचार; सर्वांगीण विकासासाठी भाजपला विजयी करण्याचे आवाहन
