पुणे – भरधाव मोटारीच्या धडकेने दुचाकीवरील सहप्रवासी महिलेचा मृत्यू झाल्याची घटना कोंढव्यातील एनआयबीएम रस्त्यावर घडली. अपघातात दुचाकीस्वार जखमी झाला.
फातिमा मुफद्दल खेडवाला (वय ३०, रा. फकरी हिल्स, कोंढवा) असे मृत्युमुखी पडलेल्या सहप्रवासी महिलेचे नाव आहे.

अपघातात फातिमा यांचे पती मुफद्दल जखमी झाले आहेत. याप्रकरणी मोटारचालका विरोधात गुन्हा दाखल करण्यात आला आहे. पोलीस कर्मचारी देवानंद धोत्रे यांनी यासंदर्भात कोंढवा पोलीस ठाण्यात फिर्याद दिली आहे. दुचाकीस्वार मुफद्दल आणि त्यांची पत्नी फातिमा एनआयबीएम रस्त्याने उंड्रीकडे निघाले होते.

सांगारिया मार्वेल सोसायटीसमोर भरधाव मोटारीने दुचाकीला धडक दिली. अपघातात दुचाकीवरील सहप्रवासी फातिमा आणि त्यांचे पती मुफद्दल जखमी झाले. फातिमा यांना गंभीर दुखापत झाली. उपचारादरम्यान त्यांचा मृत्यू झाला. पोलीस नाईक रासकर तपास करत आहेत.