जांबूत : शरदचंद्र नागरी सहकारी पतसंस्था मर्यादित राजुरी (ता.जुन्नर) या संस्थेच्या ३३ व्या वार्षिक अहवालाचे शाखा स्तरावरील प्रकाशन आज संस्थेच्या जांबूत (ता.शिरूर) शाखेत संपन्न झाले. रविवार (दि.१४) रोजी या संस्थेची वार्षिक सर्वसाधारण सभा राजुरी (ता.जुन्नर) येथे संपन्न होणार असल्याची माहिती संस्थेचे अध्यक्ष एम. डी. घंगाळे यांनी दिली आहे.

महाराष्ट्र राज्य कार्यक्षेत्रासह १२ शाखांत विस्तार असलेल्या या पतसंस्थेचा एकूण ४४२ कोटींहून अधिकचा एकत्रित व्यवसाय असून आजपर्यंत सुमारे १६५७७ ग्राहकांनी या पतसंस्थेचे सभासदत्व स्वीकारले आहे. सुमारे २४५ कोटी २२ लाखांहून अधिकच्या ठेवी व १९७ कोटी ६२ लाखांहून अधिकचे कर्जवाटप संस्थेने केलेले असून सभासद, खातेदारांच्या विश्वासावर या पतसंस्थेला नेहमीच ऑडीट वर्ग “अ” प्राप्त झालेल्या असून याआधीच्या काळात संस्थेने पारदर्शक कारभाराच्या माध्यमातून विविध स्तरावरील अनेक पुरस्कारही प्राप्त केलेले आहेत.

शरदचंद्र गौरव पुरस्काराच्या माध्यमातून पतसंस्था सामाजिक, अध्यात्मिक, शैक्षणिक, राजकीय क्षेत्रात नामांकन प्राप्त असलेल्या मान्यवरांना पुरस्कार देऊन गौरव करत सामाजिक बांधिलकी जपण्याचे काम करत आहे. आजच्या डिजिटल युगाचा विचार करता शरदचंद्र पतसंस्थेकडून ग्राहकांना बँकिंग सुविधा, मनी ट्रान्स्फर , एसएमएस प्रणाली, वीजबिल स्वीकृती , सेफ लॉकर ,NEFT/RTGS या सुविधांसह सभासदांना सुमारे ३ लाखांचे अपघाती विमा संरक्षण देण्यात येत आहे.

संस्थेचे अध्यक्ष म्हणून एम.डी.घंगाळे, उपाध्यक्ष राजेंद्र औटी , सेक्रेटरी दत्तात्रय गंधट, खजिनदार भिमाजी मालुसकर, तर जी.के.औटी सर, अनंतराव गटकळ, नरेंद्र गटकळ, तुळशीराम हाडवळे, प्रमोद पाटील औटी, संजय पिंगळे, अशोक औटी, विवेक शेळके, संदिप औटी, संतोष चव्हाण, शालिनी हाडवळे, वैशाली औटी, शांता गवळी, अशोक कणसे, रज्जाक सय्यद यांचे मार्गदर्शनाखाली मुख्य कार्यकारी अधिकारी म्हणून शाम आर्वीकर तर वसुली अधिकारी म्हणून महावीर व्हनुरे हे संस्थांतर्गत कामकाज पाहत असून राजुरीसह, आळेफाटा, नारायणगाव, आणे, पारगाव तर्फे मढ, नारायणगाव, निळवंडे, जांबूत, सावरगाव, भोसरी,घाटकोपर , वाशी तुर्भे ,ओतूर आदि शाखांत विस्तार झालेला आहे.

प्रसंगी जांबूत येथे प्रकाशन वेळी सरपंच दत्तात्रय जोरी, बाळासाहेब पठारे, गंगाधर जगताप, शरद पळसकर , पंढरीनाथ गाजरे यांचेसह जिल्हा बँकेचे शाखा व्यवस्थापक भरत पाटील, रेखा घोडे, शाखाधिकारी मनोज चव्हाण ,प्रफुल्ल बोंबे, सागर बोरचटे, गोविंदा गावडे यांचेसह खातेदार व सभासद उपस्थित होते.