मराठी सिनेसृष्टीतील स्टार अभिनेता लक्ष्मिकांत बर्डेचा एक चित्रपट आहे ज्यामध्ये एक आहे. गाण्याचे बोल आहेत मी आलो मी पाहिलं आणि जिंकून घेतलं सार…हे गाण्याचे बोल बॅालीवडूमध्ये आपल्या अभिनयातून प्रेक्षकांच्या पसंतीस उतरलेल्या अभिनेत्री रश्मिका मंदानाला लागू होतात. आतापर्यंत केवळ तीनच चित्रपट या अभिनेत्रीने केले आणि तिन्ही चित्रपटांनी बॅाक्स अॅाफिसवर धूव्वादार कमाई केली. रश्मिकाने अॅनिमल, पुष्पा २ आणि छावा या चित्रपटात काम केलं आणि हे तिन्ही चित्रपटांनी बॅाक्स अॅाफिसवर तगडी कमाई करत एक नवा इतिहास रचला आहे. छावाची बॅाक्स अॅाफिसवरची यशस्वी घोडदौड अजूनही कायम आहे.

दोन वर्षात रश्मिकाच्या या चित्रपटांनी इतकी कमाई केली आहे की, आलिया आणि दीपिकाच्या चित्रपटांनाही तिने मागे टाकलं आहे. पुष्पा 2 आणि अॅनिमलने वर्ल्डवाईड शानदार कमाई केली होती. तर छावा चित्रपटाने आत्तापर्यंत 700 कोटींचा गल्ला गोळा केला आहे. भारतात तिन्ही चित्रपटांना प्रेक्षकांनी पसंती दिली होती. अॅनिमलने 503 कोटींची कमाई केली. तर पुष्पा 2 ने 812 कोटी तर छावाने 532 कोटींची कमाई केली होती. या तिन्ही चित्रपटाने वर्ल्डवाईड ग्रॉस कमाई तब्बल 3300 कोटींची आहे.

अभिनेत्री रश्मिका मंदाना ही मूळची साऊथ इंडियातील आहे. तिने अनेक टॅालीवूड चित्रपटांमध्ये काम केले आहे. त्यामुळे रश्मिकाला नॅशनल क्रश म्हटले जाते. गीता गोविंदा, डिअर कॅाम्रेड या चित्रपटांनी तिला चित्रपट इंडस्ट्रीत ओळख मिळवून दिली. एककाळ असा होता ज्यावेळी बॅालीवूडमध्ये अभिनेत्री प्रियंका चोप्रा चित्रपटांना प्रेक्षकांची पसंती मिळत होती.

त्यानंतर अभिनेत्री दीपिका पादुकोण हिच्या चित्रपटांना चाहत्यांनी दाद दिली. त्यानंतर अभिनेत्री आलिया भट्ट हिच्या चित्रपटांनी प्रेक्षकांना भुरळ पडली. आता या अभिनेत्रींना मागे टाकत अभिनेत्री रश्मिका मंदाना बॅालीवूडमध्ये मोठं नाव केले आहे. तिच्या अभिनियाने तिने प्रेक्षकांच्या मनात एक अढळ स्थान निर्माण केलं आहे.

रश्मिकाच्या वाट्याला अनेक चित्रपट आहेत. सलमानच्या सिकंदर चित्रपटात रश्मिका मुख्य भूमिकेत आहे. तर आयुष्यामान खुरानाच्या थामा एका प्रोजक्टेमध्ये रश्मिका दिसणार आहे.