Priyanka chopra: बॉलिवूडची देसी गर्ल प्रियंका चोप्रा सध्या परदेशात राहत असली, तरी तिचं मन अजूनही पूर्णपणे भारतीय आहे. करवाचौथ सणाच्या आधीच प्रियंकाने आपल्या हातांवर सुंदर मेहेंदी लावली आहे, ज्यामध्ये तिने आपल्या पती निक जोनसचं नावही लिहिलं आहे.

सर्वात खास गोष्ट म्हणजे त्या मेहेंदीत निकचं नाव हिंदीत “निकोलस” असं लिहिलं आहे. कमी लोकांना माहीत आहे की निकचं पूर्ण नाव निकोलस जेरी जोनस आहे.

प्रियंकाने करवाचौथच्या तयारीची झलक आपल्या सोशल मीडियावरही शेअर केली आहे. तिच्या हातांवर साधी पण आकर्षक बेल डिझाइन आणि ज्वेलरी पॅटर्न असलेली मेहेंदी दिसते.

याचसोबत तिची लाडकी मुलगी मालती हिच्याही हातांवर मेहेंदी लावण्यात आली आहे. मालतीच्या हातांच्या मागील बाजूस सुंदर फुल आणि फुलपाखरू अशी नाजूक डिझाइन आहे.

प्रियंका आणि मालतीच्या या मेहेंदीच्या फोटोंनी सोशल मीडियावर चाहत्यांची मनं जिंकली आहेत. करवाचौथच्या निमित्ताने प्रियंकाने पुन्हा एकदा सिद्ध केलं आहे की ती हृदयाने अजूनही देसी गर्लच आहे.