Prince Yadav Record : ५ षटके, ६ धावा आणि ५ विकेट्स! प्रिन्स यादवच्या एका स्पेलनेच नेपाळचा डाव केला उद्ध्वस्त
Prince Yadav Record : भारताच्या ३३२ धावांच्या प्रत्युत्तरात नेपाळचा संघ अवघ्या २६ धावांत सर्वबाद झाला, ज्यात प्रिन्स यादवने एकट्याने सर्वाधिक पाच विकेट्स घेण्याचा पराक्रम केला.

Prince Yadav Record takes 5 wickets for just 6 runs against Nepal : आशिया चषक रायझिंग स्टार्स २०२६ मधील आपल्या सलामीच्या सामन्यात इंडिया-ए संघाने नेपाळचा ३०६ धावांनी दणदणीत पराभव करत इतिहास रचला. प्रथम फलंदाजी करताना भारताने उभारलेल्या ३३२ धावांच्या डोंगराचा पाठलाग करताना नेपाळचा संपूर्ण संघ अवघ्या ११.३ षटकांत २६ धावांवर गारद झाला. या विजयाचा खरा शिल्पकार वेगवान गोलंदाज प्रिंस यादव ठरला, ज्याने अवघ्या ५ षटकांत फक्त ६ धावा देत नेपाळचा निम्मा संघ एकट्याने तंबूत धाडला.
पहिल्याच षटकापासून प्रिंस यादवची आग ओकणारी गोलंदाजी –
दोहा येथील खेळपट्टीवर प्रिंस यादवने पहिल्याच षटकापासून थेट यष्ट्यांवर मारा करत नेपाळी फलंदाजांना सळो की पळो करून सोडले. त्याने पहिल्याच षटकात दीपक डुमरे आणि बसीर अहमद यांना बाद करत दुहेरी यश मिळवले आणि निर्धाव षटक टाकले. पुढे आठव्या षटकात पवन सर्राफचा अचूक यॉर्करवर त्रिफळा उडवल्यानंतर, दहाव्या षटकात त्याने प्रतिस आणि नेपाळचा कर्णधार संदीप लामिछानेला त्रिफळाचित करत लिस्ट-ए कारकिर्दीतील सर्वोत्तम कामगिरीसह पाच विकेट्स पूर्ण केले.
हर्षित राणाचीही धारदार गोलंदाजी आणि शाहबाजची साथ –
Terrific start with the ball 👌
Harshit Rana 🤝 Prince Yadav
4️⃣ wickets in no time for India A
Updates ▶️ https://t.co/r7KnQLPzIm
#TeamIndia | #INDAvNEP | #RisingStarsAsiaCup https://t.co/xElAbC0CPb
— BCCI (@BCCI) November 20, 2026
प्रिंस यादवला दुसऱ्या बाजूने वेगवान गोलंदाज हर्षित राणाची मोलाची साथ लाभली. हर्षितने केवळ १६ धावा खर्च करत नेपाळचे ४ महत्त्वाचे गडी बाद केले. त्याने अर्जुन कुमल, कुशल भुर्तेल, राशिद खान आणि लोकेश बाम यांना तंबूचा रस्ता दाखवला. तर उर्वरित एकमेव विकेट्स फिरकीपटू शाहबाज अहमदने मिळवली. या तिघांच्या भेदक माऱ्यापुढे नेपाळची फलंदाजी पत्त्याच्या बंगल्यासारखी कोसळली.
कुमार कुशाग्र ठरला सामनावीर, आता पाकिस्तानशी महामुकाबला –
Two back-to-back TIMBERS for Prince Yadav as he completes his Fifer 🔥🎯
#Cricket #AsiaCupRisingStars2026 https://t.co/DhyWswSdXF
— CREX (@Crex_live) November 20, 2026
प्रिंस यादवने पाच विकेट्स घेतले असले तरी, संकटात सापडलेल्या भारतीय डावाला सावरणाऱ्या कुमार कुशाग्रला ‘सामनावीर’ पुरस्काराने गौरवण्यात आले. कुशाग्रने १० चौकार आणि ५ षटकारांसह १०२ चेंडूत ११७ धावांची, तर कर्णधार तिलक वर्माने १०७ धावांची शतकी खेळी करत २०६ धावांची भागीदारी रचली होती. या ऐतिहासिक विजयानंतर आता इंडिया-ए संघाचा पुढील हायव्होल्टेज सामना रविवारी पाकिस्तानविरुद्ध रंगणार आहे.





