Prime Minister of Nepal : नेपाळमध्ये (Prime Minister of Nepal) ५ मार्च रोजी सार्वत्रिक निवडणुकीसाठीचे मतदान होत आहे. गेल्या वर्षी जनआंदोलनाच्या दबावामुळे के.पी. शर्मा ओली सरकार पायउतारझाल्यापासून पहिल्यांदाच होत असलेल्या निवडणुकीत बलेंद्र शाह उर्फ बालेन, गगन थापा आणि माजी पंतप्रधान खांदगा प्रसाद ओली उर्फ के.पी. शर्मा ओली हे तिघे पंतप्रधानपदासाठीचे दावेदार असणार आहेत. बालेन हे काठमांडूचे महापौर आणि पूर्वायुष्यामध्ये गायक म्हणून प्रसिद्ध होते. निवडणुकीत ते अपक्ष म्हणून उतरले आहेत. पारंपारिक राजकीय नेत्यांबद्दलचा जनतेच्या मनातील राग हेच त्यांचे भांडवल आहे. गगन थापा हे देशातील सर्वात जूना पक्ष असलेल्या नेपाळी कॉंग्रेसचे (Prime Minister of Nepal) नवीन नेते आहेत. आतापर्यंत पक्षाच्या नेतृत्वाने त्यांच्याकडे विशेष लक्ष दिले नव्हते. पण बंडखोरी करून त्यांनी पक्षाची सूत्रे आपल्या हातात घेतली आहेत. (Prime Minister of Nepal) गेल्या वर्षी सक्रिय झालेल्या विद्यार्थ्यांचे गटाचे ते प्रतिनिधीत्व करत आहेत. तर ओली हे वादग्रस्त कम्युनिस्ट नेते आहेत. आंदोलनानंतर त्यांना राजीनामा द्यावा लागला होता. प्रचंड टीका होऊनही ओली यांना अजूनही कम्युनिस्ट पार्टी आणि शेकडो कार्यकर्त्यांचा पाठिंबा आहे.
