नवी दिल्ली – हिंसाचारग्रस्त मणिपुर मध्ये राष्ट्रपती राजवट लागू करणेचे गरजेचे आहे असे कॉंग्रेसचे ज्येष्ठ नेते आणि माजी केंद्रीय गृहमंत्री पी. चिदंबरम यांनी म्हटले आहे. ते म्हणाले की, मेईती आणि कुकींना हिंसाचार थांबवण्यासाठी आणि एकमेकांशी बोलण्यास सक्षम करण्यासाठी त्या राज्यात तटस्थ प्रशासन असणे आवश्यक आहे. मणिपुर मध्ये 3 मे पासून हिंसाचार सुरू झाला असून तेथे आत्तापर्यंत 160 हून अधिक लोकांना आपले प्राण गमवावे लागले आहेत. अनेक जण जखमी झाले असून हजारो लोक विस्थापित झाले आहेत. चिदंबरम म्हणाले की, मणिपूरमध्ये मेईती, कुकी आणि नागांना सर्वांनी मान्य केलेला कायदेशील तोडगा मान्य करावा आणि तेथे शांतता प्रस्थापित करावी. तेथे प्रत्येक वांशिक गटाच्या दुसऱ्या गटाच्या विरोधात तक्रारी आहेत. कोण बरोबर किंवा चूक आहे याची पर्वा न करता, तीन गटांनी एकमेकांशी बोलले पाहिजे आणि सामाजिक सलोखा कायम राखणारा राजकीय तोडगा काढला पाहिजे. तेथील सर्व वर्गांनी दोषारोपाचा खेळ थांबवला पाहिजे आणि हिंसाचार थांबवण्याचा संकल्प केला पाहिजे, असे चिदंबरम म्हणाले. मणिपूरच्या लोकसंख्येच्या सुमारे 53 टक्के मेईती आहेत आणि ते मुख्यतः इम्फाळ खोऱ्यात राहतात, तर आदिवासी, ज्यात नागा आणि कुकी यांचा समावेश आहे, 40 टक्के आहेत आणि ते बहुतेक डोंगराळ जिल्ह्यांमध्ये राहतात.
