Preity Zinta Tweet Dhurandhar: वर्षाच्या शेवटी प्रदर्शित झालेला देशभक्तीवर आधारित चित्रपट ‘धुरंधर’ सध्या प्रेक्षकांच्या मनावर अधिराज्य गाजवत आहे. बॉक्स ऑफिसवर ३०० कोटींचा टप्पा पार केलेल्या या चित्रपटाचं सर्व स्तरातून कौतुक होत आहे. आता या यादीत अभिनेत्री प्रीती झिंटा यांचाही समावेश झाला आहे. प्रीती झिंटाने नुकताच थिएटरमध्ये ‘धुरंधर’ पाहिला. चित्रपट पाहिल्यानंतर तिने सोशल मीडिया प्लॅटफॉर्म ‘एक्स’वर आपली भावना व्यक्त केली. बराच काळानंतर आपण एकटीने थिएटरमध्ये चित्रपट पाहिला आणि दुपारचा शो पूर्णपणे हाऊसफुल होता, असं तिने सांगितलं. हा अनुभव खूप खास आणि लक्षात राहणारा होता, असंही तिने लिहिलं. चित्रपटाचं भरभरून कौतुक प्रीती झिंटाने ‘धुरंधर’ हा चित्रपट रॉ, वास्तववादी आणि मनाला भिडणारा असल्याचं म्हटलं. चित्रपटातील सर्व कलाकारांनी उत्कृष्ट अभिनय केला असून प्रत्येक व्यक्तिरेखेनं कथेला ताकद दिली आहे, असं ती म्हणाली. तसेच चित्रपटाचं पार्श्वसंगीत आणि भावनिक खोली यामुळे कथा अधिक प्रभावी झाल्याचंही तिने नमूद केलं. आदित्य धर यांच्या कामाचं विशेष कौतुक चित्रपटाचे निर्माता-दिग्दर्शक आदित्य धर यांच्या कामाचं प्रीती झिंटाने खास कौतुक केलं. हे काम मनापासून केल्याचं स्पष्ट दिसतं, त्यामध्ये मेहनत आणि जिद्द जाणवते, असं ती म्हणाली. ‘धुरंधर’ हा केवळ चित्रपट नसून देशासाठी प्राणाची बाजी लावणाऱ्या अज्ञात स्त्री-पुरुषांसाठी लिहिलेलं प्रेमपत्र आहे, अशी भावना तिने व्यक्त केली. प्रेक्षकांना खास आवाहन साडेतीन तासांचा चित्रपट कधी संपला ते कळलंच नाही आणि हा चित्रपट पुन्हा पाहायला आपण तयार आहोत, असंही प्रीतीने सांगितलं. तिला आदित्य धर यांना फोन करून स्वतःचा अनुभव सांगावासा वाटत असल्याचंही तिने लिहिलं. शेवटी, ज्यांनी अद्याप ‘धुरंधर’ पाहिला नाही, त्यांनी तो नक्की पाहावा, असं आवाहन तिने प्रेक्षकांना केलं.
