Prashant Kishor On Lok Sabha । 2024 च्या लोकसभा निवडणुका आता पाचव्या टप्प्यात आल्या आहेत. याच पार्श्वभूमीवर  राजकीय रणनीतीकार प्रशांत किशोर यांनी ‘ब्रँड मोदी’ला सर्वात मोठे आव्हान कोणाचे आहे ? याविषयी सविस्तर विश्लेषण केले आहे. त्यांनी देशात सरकारविरोधातील निदर्शने जोरदार असल्याचे वर्णन केले आहे.

एका मुलाखतीदरम्यान किशोर म्हणाले, मोदी ब्रँडचा पराभव होऊ शकत नाही, असे नाही. त्याला कोणी आव्हान देऊ शकत नाही असे नाही. कोणत्याही राजकीय पक्षाने त्यांना आव्हान दिले किंवा नाही, लोक त्यांना आव्हान देत आहेत. किशोर म्हणाले की, ‘विरोधी पक्ष कमकुवत असू शकतात, पण सरकारविरोधातील आंदोलन कमकुवत नसल्याचा दावा त्यांनी यावेळी केला आहे. पुढे प्रशांत किशोर म्हणाले, ” भारत हा असा देश आहे जिथे 60 कोटींहून अधिक लोक दररोज 100 रुपयांपेक्षा जास्त कमवत नाहीत. त्या देशात सरकारचे विरोधक कधीच कमकुवत होऊ शकत नाहीत. असा विचार करणे चुकीचे आहे.

100 पैकी फक्त 40 लोक भाजपला मत देतात Prashant Kishor On Lok Sabha ।

सरकारच्या विरोधात युक्तिवाद करताना प्रशांत किशोर यांनी आकडेवारी शेअर केली आणि म्हणाले, कोणालाही 50 टक्के मते मिळत नाहीत. सोप्या भाषेत, 100 पैकी 40 लोक पंतप्रधानांना मत देतात. ते 40 लोक त्यांच्या कार्याचे समर्थन करतात, हिंदुत्व, राम मंदिर, कलम 370. एकूण फक्त 40 लोक आनंदी आहेत, 60 ते 62 लोक आनंदी नाहीत. भाजपसमोर ग्रामीण संकट हा मोठा मुद्दा आहे. यानंतरही भाजप जिंकत असेल तर विरोधी पक्ष तेवढे मजबूत आणि विश्वासार्ह नाहीत.

‘ब्रँड मोदी’ची ताकद कमी होतीय  Prashant Kishor On Lok Sabha ।

प्रशांत किशोर यांनी 2024 च्या लोकसभा निवडणुकीची 2014 च्या निवडणुकीशी तुलना केली. किशोर म्हणाले, 2014 आणि 2019 च्या तुलनेत ब्रँड मोदीची ताकद कमी होत आहे. 2024 मध्ये मतदारांमध्ये उत्साह होता. 2029 मध्ये सरकारला विकासासाठी आणखी पाच वर्षे मिळावीत, असे लोकांना वाटत होते. मोदी सरकार आल्याने देश बदलेल, असा एका मोठ्या वर्गाला विश्वास होता. 2024 मध्ये लोकांना वाटेल की पर्याय नाही, त्यांना मतदान करावे लागेल. किशोर म्हणाले की 2014 ते 2019 दरम्यान भाजपची कामगिरी 3 टक्के कमी होती. विशेष म्हणजे त्यांना राम मंदिराबाबत फारशी मते मिळत नसल्याचेही त्यांनी सांगितले.