Prajakta Mali : मराठी चित्रपटसृष्टीचा ‘स्टाईल आयकॉन’ म्हणून ओळखला जाणारा अभिनेता अंकुश चौधरी याने नुकताच त्याचा वाढदिवस साजरा केला. त्याच्या वाढदिवसाच्या निमित्ताने मराठी मनोरंजन विश्वातील कलाकारांनी त्याला शुभेच्छा देणाऱ्या पोस्ट सोशल मीडियावर शेअर केल्या आहेत. अभिनेत्री प्राजक्ता माळी हिने देखील सोशल मीडियावर खास पोस्ट शेअर करत अंकुशला वाढदिवसाच्या शुभेच्छा दिल्या. देवखेळ या नवीन वेबसिरीजमुळे अभिनेता अंकुश चौधरी आणि अभिनेत्री प्राजक्ता माळी चर्चेत आहेत. ही वेबसिरीज नुकतीच प्रदर्शित झाली असून, प्रेक्षकांच्या पसंतीस उतरली आहे. याच सिरीजच्या सेटवरेचे काही फोटो प्राजक्ताने तिच्या सोशल मीडिया अकाऊटंवरून शेअर करत अंकुशला वाढदिवसाच्या शुभेच्छा दिल्या आहेत. प्राजक्ता माळी आणि अंकुश चौधरी यांची मुख्य भूमिका असलेली ‘देवखेळ’ ही वेबसिरीज झी ५ वर प्रदर्शित झाली आहे. या सीरिजच्या निमित्ताने अभिनेता अंकुशन चौधरीने ओटीटी प्लॅटफॉर्मवर पाऊल ठेवले आहे. “पाप करणाऱ्यांचा हिशोब होणार!” अशी लक्षवेधी टॅगलाईन असलेल्या या मालिकेत प्राजक्ताने ‘सारिका निमकर’ तर अंकुशने ‘विश्वास सरंजामे’ ही भूमिका साकारली आहे. अकुंशने त्याचा ३१ जानेवारीला वाढदिवस साजरा केला. या शिवाय त्याचा आणि अभिनेत्री दीपा परब-चौधरी यांच्या लग्नाचा १८ वा वाढदिवस देखील आहे. या निमित्ताने दीपाने सोशल मीडियावर एक भावूक पोस्ट शेअर करत पतीला शुभेच्छा दिल्या आहेत. लग्नाच्या गाठी ह्या स्वर्गात बांधल्या जातात असं म्हणतात, म्हणूनच त्या वरच्याने मांडलेला १८ वर्षांचा हा सुंदर ‘देवखेळ’ सदैव असाच बहरत राहू देत. वाढदिवसाच्या आणि लग्नाच्या वाढदिवसाच्या खूप खूप शुभेच्छा!” असे कॅप्शन पोस्टला दीपाने दिले आहे.- हेही वाचा : Union Budget 2026: 7 हाय-स्पीड रेल्वे कॉरिडॉर ते नवा आयकर कायदा; अर्थसंकल्पातील महत्त्वाच्या घोषणा…
