Praful Patel : दिवंगत अजित पवार यांच्या निधनामुळे निर्माण झालेली पोकळी भरून काढणे कठीण आहे. तसेच, महाराष्ट्र आणि राष्ट्रीय राजकारणात राष्ट्रवादी काँग्रेस पक्षाचे महत्त्व टिकवून ठेवण्यासाठी पक्षाने सुधारणावादी पावले उचलणे आवश्यक असल्याचे पक्षाचे राष्ट्रीय कार्याध्यक्ष आणि खासदार प्रफुल पटेल यांनी अधोरेखित केले. (Praful Patel)

तत्कालीन उपमुख्यमंत्री अजित पवार यांचे निधन झाल्यानंतर पक्षाच्या संघटनात्मक भविष्याबाबत सुरू असलेल्या चर्चांच्या पार्श्वभूमीवर पटेल यांची ही विधान केले आहे. नेतृत्वाची पुनर्रचना आणि संघटनात्मक बळकट करण्याच्या प्रक्रियेत पक्षासमोर असलेल्या आव्हानाची पटेल यांनी कबुली दिली. (Praful Patel)

अजितदादांची पोकळी भरून काढणे कठीण आहे. मला वैयक्तिकरित्या वाटते की पक्षाला काही सुधारणावादी पावले उचलण्याची गरज आहे, असे पटेल यांनी अधिक तपशील न देता सांगितले. (Praful Patel)

अजित पवार यांच्या नेतृत्वाच्या अनुपस्थितीत सत्ताधारी महायुती आघाडीमध्ये राष्ट्रवादीला आपले राजकीय स्थान टिकवून ठेवावे लागेल. अजित पवार यांचा विकासाचा अजेंडा कायम राहील, याची कार्यकर्त्यांना खात्री देणे हीच सध्याची प्राथमिकता असल्याचे त्यांनी सांगितले. (Praful Patel)

सामूहिक नेतृत्वाच्या पद्धतीकडे पक्ष यशस्वीपणे वाटचाल करू शकेल की नाही, हे ठरवण्यासाठी आगामी आठवडे अत्यंत महत्त्वाचे असतील, असेही त्यांनी नमूद केले. उपमुख्यमंत्री सुनेत्रा पवार यांनी राष्ट्रवादीच्या राष्ट्रीय अध्यक्षपदाची धुरा सांभाळली आहे, तर पार्थ पवार यांनी मोठी संघटनात्मक जबाबदारी स्वीकारली आहे. (Praful Patel)

या घडामोडींमुळे काही ज्येष्ठ नेते आणि नवीन नेतृत्व यांच्यात मतभेद निर्माण झाल्याची माहिती आहे. मात्र, पक्षाने अशा दाव्यांवर अधिकृतपणे कोणतीही प्रतिक्रिया दिलेली नाही. पक्षाने भारतीय निवडणूक आयोगाकडे राष्ट्रीय पदाधिकारी आणि कार्यकारी समितीच्या सदस्यांची सुधारित यादी सादर केल्यानंतर या अंतर्गत चर्चांनी जोर धरला. (Praful Patel)

Praful Patel : मोठी बातमी! रुपाली चाकणकरांचं पद जाणार? राष्ट्रवादीचे नेते प्रफुल्ल पटेलांचे संकेत दर्शवणारे विधान

Praful Patel : सुनेत्रा पवार राष्ट्रवादीच्या नवीन राष्ट्रीय अध्यक्षा होणार; प्रफुल्ल पटेलांची घोषणा