नवी दिल्ली – जर आपण पोस्ट ऑफिसमध्ये बचत खाते उघडले असेल तर आपल्याला डेबिट कार्डची सुविधासुद्धा मिळणार आहे. पण आता त्यात आणखी एक नवीन सुविधा जोडली गेलीय. ही सुविधा ईव्हीएम चिप असलेल्या डेबिट कार्डची आहे. जर आपण पोस्ट ऑफिसमध्ये बचत खाते उघडले तर आपल्याला एका चिपसह डेबिट कार्ड मिळेल. चिपमुळे आपले खाते सुरक्षित होईल, व्यवहारावरही सुरक्षिततेची हमी दिलेली आहे.

ईव्हीएम चिपशिवाय डेबिट कार्ड अवैध
बँकांनी हे काम फार पूर्वी सुरू केलेय, ज्यात ईव्हीएम चिपशिवाय डेबिट कार्ड अवैध ठरवले जाते. आता सर्व कार्डे फक्त चिपसह दिली जातात. हीच गोष्ट पोस्ट ऑफिसमध्येही आहे. पोस्ट ऑफिसने चिप नसलेली कार्डे बंद केलीत, म्हणून आपणास नवीन ईव्हीएम चिप असलेले कार्ड घ्यावे लागेल. यासाठी तुम्हाला पासबुक आणि जुन्या डेबिट कार्डसह पोस्टाच्या शाखांवर जावे लागेल.

शाखेत आपल्याला एक फॉर्म भरावा लागेल, ज्यामध्ये खाते क्रमांक आणि सीआयएफ क्रमांक प्रविष्ट करावा लागेल. उर्वरित माहितीदेखील फॉर्ममध्ये भरावी लागेल. या कार्डद्वारे आपण एका दिवसात जास्तीत जास्त 10 हजार रुपये आणि जास्तीत जास्त 25 हजार रुपये काढू शकाल. हे एटीएम कम डेबिट कार्ड आहे, जे अगदी बँक कार्डसारखेच आहे. हे एक रुपे कार्ड आहे.

पोस्ट ऑफिस डेबिट कार्ड सोबत एक पेपर मिळतो, ज्यात पिनची माहिती असते. आपण कोणत्याही एटीएममधून तो पिन रिसेट करू शकता. आता बँका पिनसाठी पेपर देत नाहीत, तर एटीएममध्येच पुन्हा पिन रिजनरेट करावा लागतो. पोस्ट ऑफिसचे डेबिट कार्ड हे रुपे कार्ड आहे, त्यामुळे त्याचे वार्षिक शुल्क थोडे कमी होईल. पूर्वी ग्राहकांना व्हर्च्युअल कार्ड्स मिळत असत, पण आता फिजिकल कार्ड्स उपलब्ध आहेत. व्हर्च्युअल कार्डसाठी कोणतेही शुल्क नाही, परंतु रुपे कार्डसाठी काही शुल्क आकारले जाईल. हे रुपे कार्ड पोस्ट ऑफिसमधून मिळवणे सोपे आहे.

नवीन डेबिट कार्ड मिळविण्यासाठी आपल्याला पोस्ट ऑफिस शाखेत जावे लागेल. तेथे आपल्याला सांगावे लागेल की, आपण आधार क्रमांकाद्वारे आपले खाते उघडत आहोत. नवीन डेबिट कार्ड मिळविण्यासाठी तुम्हाला तुमचा आधार क्रमांक द्यावा लागेल. नंबर सांगितल्यानंतर पोस्ट ऑफिसचे कर्मचारी तुमच्याकडून 100 रुपये घेऊन कार्ड देतात. ते कार्ड तुमच्या बचत खात्याशी जोडलेले असते. यासाठी आधार क्रमांक तपासला जातो आणि त्यामध्ये ग्राहकाचे फिंगर प्रिंट घेतले जातात. या डेबिट कार्डद्वारे आपण पोस्ट ऑफिसच्या एटीएममधून पैसे काढू शकता किंवा ऑनलाईन खरेदी करू शकता.

फिजिकल डेबिट कार्ड मिळविण्यासाठी आपल्याला आपल्या जवळच्या पोस्ट ऑफिस शाखेत जाण्याची आवश्यकता आहे. तेथे फॉर्म भरल्यानंतर आपण डेबिट कार्ड मिळवू शकता. परंतु आपणास एखादे ऑनलाईन कार्ड घ्यायचे असल्यास आपणास मोबाईल फोनवर पोस्ट ऑफिस अ‍ॅपद्वारे मिळणारे व्हर्च्युअल कार्ड मिळेल. हे कार्ड फिजिकल कार्डसारखे कार्य करते, परंतु आपण ते प्लास्टिक कार्डसारखे आपल्याकडे ठेवू शकत नाही. ते आपल्या मोबाईल फोनमध्ये सॉफ्ट कॉपीच्या स्वरूपात राहते.

पोस्ट ऑफिसचे डेबिट कार्ड बँक कार्डासारखे कार्य करते. त्याचा पिन सेट करण्यासाठी तुम्हाला एटीएमवर जावे लागेल. पिन निर्मितीसाठी एटीएममध्ये 11 अंकी खाते क्रमांक प्रविष्ट करावा लागेल. खातरजमा केल्यानंतर आपल्याला नोंदणीकृत मोबाईल नंबरवर एक पिन दिसेल. आपल्याला तो 2 दिवसांत सक्रिय करावा लागेल. पोस्ट ऑफिस एटीएमवर जा आणि पिन बदलण्याच्या पर्यायावर क्लिक करा. मोबाईलवर एक ओटीपी येईल. आपण तो प्रविष्ट करून 4 अंकी डेबिट कार्ड पिन सेट करू शकता.