Porsche Car | Pune Accident : जगातील सर्वात महागड्या कारच्या श्रेणीत येणारी ‘पोर्शे कार’ सध्या चर्चेत आहे. कारण पुण्यातील कल्याणीनगर परिसरात रविवारी (दि.19 मे) रात्री एका अल्पवयीन मुलाने याच कारचा वापर करून दोन दुचाकीस्वारांना चिरडले, त्यानंतर दोन्ही तरुणांचा मृत्यू झाला. सध्या हे प्रकरण न्यायालयात पोहोचले असून, यावर कारवाई सुरु आहे. रोज या प्रकरणाचे अनेक नवीन खुलासे होताना दिसत आहेत.
दरम्यान, आज आम्ही तुम्हाला सध्या चर्चेत असणाऱ्या ‘पोर्शे कार’ची किंमत आणि त्याचे जबरदस्त फीचर्स याबद्दल सविस्तर माहिती सांगणार आहोत.पोर्शे ही एक जर्मन ऑटोमोटिव्ह निर्माता आहे जी स्पोर्ट्स कार, एसयूव्ही आणि सेडान तयार करते. ही कंपनी फोक्सवॅगनच्या मालकीची आहे. पोर्शेने 2004 मध्ये भारतात प्रवेश केला. पोर्शे सध्या भारतात स्पोर्ट्स कार आणि एसयूव्ही विकत आहे. पोर्शेच्या अनेक कार भारतात विक्रीसाठी उपलब्ध आहेत.
या कंपनीने भारतात एकूण 7 मॉडेल्स लाँच केले असून लवकरच नवीन मॉडेल्स लाँच करण्याची तयारी करत आहे. भारतात विक्रीसाठी उपलब्ध असलेल्या पोर्शे कारमध्ये 3 सेडान कार, 2 SUV कार, 1 कूप कार, 1 परिवर्तनीय कार यांचा समावेश आहे. पोर्शेचे भारतात डीलरशिपचे मोठे नेटवर्क आहे. कंपनीचे देशभरात एकूण 7 शोरूम आहेत जे देशातील 7 वेगवेगळ्या शहरांमध्ये आहेत आणि त्याद्वारे कंपनी आपली सेवा प्रदान करत आहे. ही कार कंपनी भारतात 2004 मध्ये स्थापन झाली.
‘पोर्शे टायकन’ ही चार आसनी वेगवान लक्झरी स्पोर्ट्स कार आहे. ही स्पोर्ट्स सेडान पोर्शे टायकन 3 मॉडेल्समध्ये विकली जाते, स्पोर्ट सलून, स्पोर्ट टुरिस्मो आणि क्रॉस टुरिस्मो. 4,963 मिमी लांबी, 1,966 मिमी रुंदी, 1,379 मिमी उंची आणि 2,900 मिमी व्हीलबेस असलेली ही कार उत्कृष्ट राइडिंग अनुभव देते.
एकदा पूर्ण चार्ज केल्यानंतर 678 किलोमीटरचा प्रवास करते
पोर्शे टायकनमध्ये कायम चुंबक सिंक्रोनस मोटर आहे. ही कार 79.2 kWh बॅटरी बॅकसह येते. हा बॅटरी पॅक उत्तम कामगिरी प्रदान करण्यात मदत करतो. एकदा पूर्णपणे चार्ज केल्यानंतर, Taycan 678 किलोमीटरचे अंतर कापू शकते. ही कार केवळ 4.8 सेकंदात 0 ते 100 किलोमीटर प्रति तास वेग पकडू शकते. Taycan 750 bhp पर्यंत पॉवर आणि 1,050 Nm चा प्रचंड टॉर्क जनरेट करते.
या मॉडेलचे वैशिष्ट्ये काय
या कारमध्ये सीट हीटिंग, अँटी थेफ्ट व्हील बोल्ट, टायर प्रेशर मॉनिटरिंग सिस्टीम, मॅट्रिक्स एलईडी हेडलाइट्स, हेड रेस्ट, मल्टीफंक्शन स्पोर्ट्स स्टिअरिंग व्हील, थ्री-पॉइंट ऑटोमॅटिक सीट बेल्ट्स, फॅब्रिक रूफ लाइनिंग, ट्रॅफिक साइन रेकग्निशन, पार्क असिस्ट, रिव्हर्सिंग कॅमेरा, लेन किपिंग असिस्ट, लेन किपिंग आणि ऍक्टिव्ह स्पीड लिमिट असिस्ट यासारखी वैशिष्ट्ये उपलब्ध आहेत.
भारतातील पोर्शे कारच्या किंमतींची यादी (मे 2024)
पोर्शे कारच्या किमती लाख पासून सुरु होऊन कोटींच्या घरात आहे. यामध्ये आम्ही तुम्हाला 5 लोकप्रिय पोर्श कारच्या किंमती सांगत आहोत..
Porsche 911 च्या बेस मॉडेलची किंमत रु. 1.86 कोटी आणि टॉप मॉडेलची किंमत रु. 4.26 कोटी.
Porsche Macan ची किंमत 1.86 कोटी रुपये आहे.
पोर्शे केयेनची किंमत 88.06 लाख रुपये आहे.
Porsche 718 ची किंमत 1.36 कोटी रुपये आहे.
Porsche Panamera ची किंमत 1.48 कोटी रुपये आहे.