Political News : मुंबईतील राजकीय वर्तुळात (Political News) सध्या एका मोठ्या कारवाईने जोरदार खळबळ उडवून दिली आहे. महाराष्ट्र नवनिर्माण सेनेचे (मनसे) विभाग अध्यक्ष गणेश चुक्कल यांना पवई पोलिसांनी बेड्या ठोकल्या आहेत. हिरानंदानी परिसरातील एका नामांकित विकासकाची कोट्यवधींची फसवणूक आणि खंडणी मागितल्याप्रकरणी ही कारवाई करण्यात आली असून, सध्या पोलीस त्यांची कसून चौकशी करत आहेत.

हे संपूर्ण प्रकरण २०२३ मधील असून, संबंधित विकासकाने गणेश चुक्कल यांच्यावर फसवणूक आणि खंडणी उकळल्याचा गंभीर आरोप करत पवई पोलीस ठाण्यात तक्रार दाखल केली होती. विकासकाच्या तक्रारीनंतर पोलिसांनी गुन्हा नोंदवून तपासाची चक्रे फिरवली होती. अखेर ठोस पुराव्यांच्या आधारे पवई पोलिसांनी आज कारवाईचा (Political News) फास आवळत चुक्कल यांना अटक केली.

विशेष म्हणजे गणेश चुक्कल यांच्यावर फसवणुकीचा गुन्हा दाखल होण्याची ही पहिलीच वेळ नाही; याआधीही ते एका हाय-प्रोफाइल प्रकरणात वादाच्या भोवऱ्यात अडकले होते. २०२२ मध्ये बॉलिवूडचा प्रसिद्ध अभिनेता अक्षय कुमार याच्या बहिणीच्या कंपनीने देखील गणेश चुक्कल यांच्याविरोधात फसवणुकीची अधिकृत तक्रार नोंदवली होती.

पवईतील हिरानंदानी गार्डन्स परिसरातील एका लक्झरी फ्लॅटच्या तीन वर्षांच्या भाडेकरारावरून हा वाद उफाळला होता. करार संपल्यानंतरही त्यांनी फ्लॅट रिकामा करण्यास नकार दिल्याने हे प्रकरण थेट न्यायालयात (Political News) पोहोचले होते. जुन्या प्रकरणातील वाद ताजा असतानाच आता विकासकाच्या फसवणूक प्रकरणात झालेली ही थेट अटक मनसे आणि स्थानिक राजकीय वर्तुळात चर्चेचा विषय ठरली आहे.