Political News : लोकसभेत शुक्रवारी महिला आरक्षण विधेयक नामंजूर झाल्यानंतर (Political News) राजकीय घडामोडींना वेग आला आहे. विधेयकाच्या विरोधात काँग्रेससह विरोधकांनी जोरदार हल्लाबोल केल्यानंतर भाजपच्या महिला खासदार आणि नेत्यांनी आक्रमक भूमिका घेतली. शुक्रवारी संसदेच्या आवारात जोरदार घोषणाबाजी करणाऱ्या भाजप महिला खासदारांनी शनिवारी काँग्रेस नेते राहुल गांधी यांच्या निवासस्थानाबाहेर मोठे आंदोलन केले. या आंदोलनात राहुल गांधी यांचा पुतळा (Political News) जाळण्यात आला आणि त्यांच्या विरोधात काळे झेंडे दाखवण्यात आले. मात्र, या आंदोलनामुळे भाजपच्या महिला नेत्यांना पोलिसांनी ताब्यात घेतले. Political News विधेयक नामंजूर होण्याची पार्श्वभूमी शुक्रवारी लोकसभेत मोदी सरकारने तीन महत्त्वाची विधेयके पटलावर मांडली होती. यातील १३१ व्या घटनादुरुस्ती विधेयक (महिला आरक्षण विधेयक) वरून सत्ताधारी आणि विरोधकांमध्ये तीव्र चर्चा आणि हल्लाबोल झाला. सायंकाळी ६ वाजता या विधेयकावर मतदान पार पडले. विधेयक पास करण्यासाठी दोन तृतियांश (लगभग ३६२) मतांची गरज होती. मात्र, विधेयकाच्या बाजूने केवळ २९८ मते पडली, तर विरोधात २३० मते पडली. मतांच्या कमतरतेमुळे हे विधेयक नामंजूर झाले. महिला आरक्षण विधेयक नामंजूर झाल्यानंतर सरकारने उर्वरित दोन विधेयके मागे घेतली. या अपयशानंतर भाजपने राष्ट्रव्यापी आंदोलनाचा इशारा दिला होता. भाजप महिला नेत्यांचे आक्रमक आंदोलन विधेयक नामंजूर झाल्यानंतर भाजपच्या महिला खासदारांनी (Political News) संसदेच्या आवारात जोरदार घोषणाबाजी केली आणि विरोधकांवर टीका केली. शनिवारी सकाळी भाजपच्या महिला नेत्यांनी काँग्रेस नेते राहुल गांधी यांच्या निवासस्थानाबाहेर आंदोलनाचे आयोजन केले. या आंदोलनात भाजपच्या महिला कार्यकर्त्यांनी काळे झेंडे घेऊन मोठ्या संख्येने सहभाग घेतला. आंदोलकांनी राहुल गांधी यांचा पुतळा रस्त्यावर जाळला आणि काँग्रेस तसेच राहुल गांधी यांच्या विरोधात जोरदार घोषणा दिल्या. या संपूर्ण घटनेचा व्हिडिओही सोशल मीडियावर व्हायरल झाला आहे. पोलिसांची कारवाई राहुल गांधी यांच्या घराबाहेर आंदोलन करणे भाजपच्या महिला नेत्यांना महागात पडले. दिल्ली पोलिसांनी आंदोलन दडपण्यासाठी त्वरित कारवाई केली. या प्रकरणी केंद्रीय राज्य मंत्री रक्षा खडसे, खासदार बन्सुरी स्वराज आणि खासदार कमलजीत सेहरावत यांना पोलिसांनी ताब्यात घेतले. ताब्यात घेताना भाजप खासदार आणि कार्यकर्त्यांनी जोरदार घोषणाबाजी सुरू ठेवली. मोठ्या प्रमाणात महिला कार्यकर्त्या आंदोलनासाठी उपस्थित होत्या. पोलिसांनी आंदोलकांना ताब्यात घेऊन परिस्थितीवर नियंत्रण मिळवले.
