नेवासे:  गिरिम, ता. दौंड जि. पुणे येथील मुळ रहिवासी असलेले व सध्या अहिल्यानगर येथे कार्यरत असलेले वरिष्ठ पोलीस निरीक्षक धनंजय जाधव यांना राज्य सरकारने पोलीस उपअधीक्षक पदी पदोन्नती दिली आहे.

राज्य सरकारने राज्यातील २२४ पोलीस निरीक्षकांना पोलीस निरीक्षक ते पोलीस उप अधीक्षक पदी पदोन्नती दिली आहे. सेवा कालावधी व सेवा अभिलेख पडताळणी आणी छाननी करून पोलीस महासंचालक कार्यालयाने राज्य शासनाकडे अहवाल पाठवला होता. कर्मठ शिस्तीचे म्हणुन परिचित असलेले वरीष्ठ पोलीस निरीक्षक धनंजय जाधव यांचा देखील या आदेशात समावेश आहे. राज्य शासनाने पदोन्नतीने त्यांची धानोरा, जि. गडचिरोली या नव्या ठिकाणी नेमणूक केली आहे.

धनंजय जाधव हे सन १९९३ साली सरळ सेवा भरतीने पोलीस उपनिरीक्षक म्हणून पोलीस खात्यामध्ये आले होते. त्यांची एकूण ३२ वर्ष सेवा झाली असुन त्यांना सेवा कालावधीत उत्कृष्ट कामगिरी करिता जवळपास त्यांनी दोनशे पेक्षा जास्त बक्षिसे मिळाली आहेत. जाधव यांना शासनाने ऑगस्ट २०२३ देखील पदोन्नती देऊ केली होती परंतु वैयक्तिक कारणास्तव त्यांनी ती नाकारली होती.

धनंजय जाधव यांनी १९९४ साली प्रशिक्षण पूर्ण केल्यानंतर चंद्रपूर, गडचिरोली, पुणे शहर ,सोलापूर ग्रामीण, कोल्हापूर व अहिल्यानगर या ठिकाणी सक्षमपणे कर्तव्य पार पाडले आहे.धनंजय जाधव ऑगस्ट २०२९ अखेर सेवा निवृत्त होणार असून त्यांना ही पदोन्नती मिळाल्यामुळे त्यांचे विशेष कौतुक केले जात आहेत.

पदोन्नती मिळाल्यानंतर धनंजय जाधव यांनी आनंद व्यक्त करत जनतेची आणखी चांगली सेवा करण्याची संधी मला उपलब्ध झाल्याने त्यांनी शासनाचे यावेळी आभार मानले.