Navnath Waghmare | ओबीसी आंदोलक नवनाथ वाघमारे यांची घरासमोर असलेली स्कार्पिओ गाडी एका व्यक्तीने जाळल्याची घटना दोन दिवसांपूर्वी समोर आली होती. गाडी जाळणारा व्यक्ती सीसीटीव्हीमध्ये कैद झाला होता. त्यानंतर पोलिसांनी अज्ञाताविरोधात गुन्हा दाखल करुन सीसीटीव्हीच्या आधारे शोध सुरू केला. अखेर पोलिसांनी आरोपीला अटक केली आहे. विश्वंभर तिरुखे असं त्याचं नाव असून त्याने आरोप कबुल केले आहेत. तिरुखे हा मनोज जरांगे यांचा जवळचा सहकारी असल्याचं सांगितलं जात आहे.

मनोज जरांगे पाटील यांच्यासोबत बसलेला विश्वंभर तिरुखे याचा फोटो नवनाथ वाघमारे यांनी दाखवत हा दावा केला आहे. यावर प्रतिक्रिया देताना नवनाथ वाघमारे म्हणाले की, “गाडी जळणारा आरोपी मनोज जरांगे यांचा अत्यंत जवळचा आणि निकटवर्तीय आहे. त्यामुळे जरांगे यांच्यावर गुन्हा दाखल झाला पाहिजे. या मागचा कर्ता-करविता मनोज जरांगेच आहे. नारायण गडावर महंतांनी जरांगे आणि तिरुखे यांना एकत्रित माळ टाकली होती. त्यामुळे जरांगेंनी आता पळवाट काढू नये.”

पुढे ते म्हणले, “जरांगे म्हणत होते असे आम्ही धंदे करत नाही. आम्ही 96 कुळी मराठे आहोत. जरांगेचा फक्त दंगल घडवण्याचा हेतू आहे. माझी गाडी जाळल्याने मला काही फरक पडत नाही, समाजाचे काम करायचे मी कधी बंद करणार नाही. पण जरांगेचे दूध का दूध आणि पानी का पानी झाले आहे.’, असे देखील वाघमारे यांनी म्हटले.

दरम्यान, सोमवारपासून फरार असलेल्या विश्वंभर तिरुखे याला अंबड चौफुली येथे जालना पोलिसांनी अटक केली. याप्रकरणी तिरुखे याने गुन्ह्याची कबुली दिली असून पोलिसांनी त्याला न्यायालयात हजर केले असता न्यायालयाने त्याचा जामीन मंजूर केला.

नेमकं काय घडलं?

सोमवारी 21 सप्टेंबर रोजी ओबीसी आंदोलक नवनाथ वाघमारे यांची चार चाकी स्कॉर्पिओ गाडी सोमवारी एका अज्ञात व्यक्तीने पेटविल्याचा धक्कादायक प्रकार समोर आला. जालना शहरातील नीलम नगर भागात रात्री 10:30 ते 11 वाजेच्या दरम्यान ही घटना घडली. Navnath Waghmare |

सीसीटीव्हीमध्ये एक अज्ञात व्यक्ती गाडीवर टाकलेल्या कव्हरवर कॅनमधून आणलेले ज्वलनशील पदार्थ चारही बाजूंनी टाकतो आणि त्यानंतर ही आग लावून देत असल्याचे दिसले. या आगीने भडका घेताच गाडीवर टाकलेले कव्हर क्षणातच जळून खाक झाले. यामध्ये कोणतीही जीवितहानी झाली नसून मोठा अनर्थ टळला. या संपूर्ण प्रकरणी नवनाथ वाघमारे यांनी जालना पोलीस ठाण्यात तक्रार दिली होती. Navnath Waghmare |

हेही वाचा : 

“भारत प्रामुख्याने आमच्यासोबतच…” ; रशिया-युक्रेन संघर्षादरम्यान झेलेन्स्की यांचे धक्कादायक विधान