PM Modi To Leave For Italy To Attend G-7 Summit| नरेंद्र मोदी यांनी तिसऱ्यांदा पंतप्रधान पदाची शपथ घेतल्यानंतर आज ते पहिला परदेश दौरा करणार आहेत. G7 शिखर परिषदेत सहभागी होण्यासाठी पंतप्रधान नरेंद्र मोदी गुरुवारी इटलीला रवाना होणार आहेत. या शिखर परिषदेत सहभागी होण्यासाठी भारताला एक आउटरीच देश म्हणून आमंत्रित करण्यात आले आहे. 50 वी G7 शिखर परिषद 13 ते 15 जून दरम्यान इटलीच्या अपुलिया भागातील बोर्गो एग्नाझिया या रिसॉर्टमध्ये होणार आहे. युक्रेनमधील भीषण युद्ध आणि गाझामधील संघर्षाचा मुद्दा यात वरचढ ठरण्याची शक्यता आहे. युक्रेनचे राष्ट्राध्यक्ष वोलोडिमिर झेलेन्स्की देखील त्यांच्या देशावरील रशियन आक्रमणावरील एका सत्राला संबोधित करतील. परराष्ट्र सचिव विनय मोहन क्वात्रा यांनी पंतप्रधान नरेंद्र मोदी यांच्या इटलीच्या दौऱ्याविषयी सांगितलं की, ‘इटलीच्या पंतप्रधान जॉर्जिया मेलोनी यांच्या निमंत्रणावरून पंतप्रधान नरेंद्र मोदी उद्या 14 जून रोजी होणाऱ्या 50 व्या G7 शिखर परिषदेत सहभागी होण्यासाठी इटलीच्या दौऱ्यावर जाणार आहेत. या दौऱ्यासाठी 13 जून रोजी पंतप्रधान नरेंद्र मोदी हे इटलीसाठी रवाना होणार आहेत,” असं त्यांनी सांगितलं. PM Modi To Leave For Italy To Attend G-7 Summit| कोणते देश होणार सहभागी? इटलीत होणाऱ्या G7 शिखर परिषदेत अमेरिका, फ्रान्स, इटली, जर्मनी, कॅनडा, जपान, ब्रिटन या देशाच्या प्रमुख नेत्यांचा सहभाग असणार आहे. या परिषदेला अमेरिकेचे राष्ट्राध्यक्ष जो बायडेन, फ्रान्सचे अध्यक्ष इमॅन्युएल मॅक्रॉन, जपानचे पंतप्रधान फुमियो किशिदा, कॅनडाचे पंतप्रधान जस्टिन ट्रुडो, भारताचे पंतप्रधान नरेंद्र मोदी यांच्यासह आदी महत्वाचे नेते या शिखर परिषदेला उपस्थित असणार आहेत. या शिखर परिषदेमध्ये जागतिक पातळीवरील काही महत्वाच्या विषयांवर चर्चा होणार आहे. PM Modi To Leave For Italy To Attend G-7 Summit| तिसऱ्या टर्ममधील मोदींचा हा पहिलाच विदेश दौरा पंतप्रधान मोदी या समिटमध्ये इटलीचे पंतप्रधान ज्योर्जिया मेलोनी, फ्रान्सचे राष्ट्राध्यक्ष इमॅन्युएल मॅक्रॉन, जपानचे पंतप्रधान फुमियो किशिदा आणि कॅनडाचे पंतप्रधान जस्टिन ट्रूडो यांच्यासोबत द्विपक्षीय बैठक घेणार आहेत. सलग तिसऱ्यांदा पंतप्रधानपदी विराजमान झाल्यानंतर मोदींचा हा पहिलाच विदेश दौरा आहे. यावेळी मोदींसोबत एक उच्चस्तरीय शिष्टमंडळ देखील असेल ज्यात परराष्ट्र मंत्री एस जयशंकर, परराष्ट्र सचिव विनय क्वात्रा आणि NSA अजित डोवाल यांचा समावेश असण्याची शक्यता आहे. PM Modi To Leave For Italy To Attend G-7 Summit| हेही वाचा: मनोज जरांगेंची बजरंग सोनवणेंनी घेतली भेट; म्हणाले “सर्व खासदारांना एकत्र घेऊन…”
