PM Modi on Waqf Bill । लोकसभेनंतर आता राज्यसभेत वक्फ दुरुस्ती विधेयक २०२४ मंजूर झाले आहे. या विधेयकाबाबत विरोधकांनी दोन्ही सभागृहात प्रचंड गोंधळ घातला. या विधेयकावर गुरुवार, ३ एप्रिल रोजी राज्यसभेत चर्चा झाली आणि त्यानंतर मतदान झाले. यामध्ये १२८ खासदारांनी विधेयकाच्या बाजूने मतदान केले, तर ९५ खासदारांनी विरोध केला. राज्यसभेत हे विधेयक मंजूर झाल्यानंतर पंतप्रधान नरेंद्र मोदी यांनी त्यावर प्रतिक्रिया दिली आहे. त्यांनी सोशल मीडियावर एका पाठोपाठ चार पोस्ट करत या विधेयकावर आपली प्रतिक्रिया दिली आहे.

पंतप्रधान मोदींनी पोस्टमध्ये हे लिहिले PM Modi on Waqf Bill । 
पंतप्रधान मोदींनी वक्फ विधेयकावर चार पोस्ट केल्या आहेत .  त्यांनी आपल्या पहिल्या पोस्टमध्ये, “वक्फ दुरुस्ती विधेयक आणि मुस्लिम वक्फ (निर्मूलन) विधेयक संसदेतून मंजूर होणे हे सामाजिक आणि आर्थिक न्याय, पारदर्शकता आणि सर्वांसाठी विकासाच्या दिशेने एक मोठे पाऊल आहे. याचा विशेषतः त्यांना फायदा होईल जे आतापर्यंत मागे राहिले आहेत आणि ज्यांना योग्यरित्या ऐकले गेले नाही किंवा संधी मिळाली नाही.” पुढे ते म्हणाले, “संसद आणि समित्यांच्या बैठकांमध्ये सहभागी झालेल्या आणि त्यांच्या सूचना देणाऱ्या सर्व खासदारांचे मी आभार मानतो. समित्यांना सूचना पाठवणाऱ्या देशवासीयांचेही मी आभार मानतो. यावरून एकत्र बोलणे किती महत्त्वाचे आहे हे दिसून येते.”

The passage of the Waqf (Amendment) Bill and the Mussalman Wakf (Repeal) Bill by both Houses of Parliament marks a watershed moment in our collective quest for socio-economic justice, transparency and inclusive growth. This will particularly help those who have long remained on…

— Narendra Modi (@narendramodi) April 4, 2025

‘लोकांच्या हक्कांचे रक्षण करू’ PM Modi on Waqf Bill । 
पंतप्रधान मोदी पुढे म्हणाले, “अनेक वर्षांपासून वक्फ व्यवस्थेत पारदर्शकता आणि जबाबदारीचा अभाव होता, ज्यामुळे विशेषतः मुस्लिम महिला, गरीब मुस्लिम आणि पसमंडा समुदायाचे नुकसान झाले. आता जे कायदे मंजूर झाले आहेत त्यामुळे ही व्यवस्था अधिक पारदर्शक होईल आणि लोकांच्या हक्कांचे रक्षण होईल.”

For decades, the Waqf system was synonymous with lack of transparency and accountability. This especially harmed the interests of Muslim women, poor Muslims, Pasmanda Muslims. The legislations passed by Parliament will boost transparency and also safeguard people’s rights.

— Narendra Modi (@narendramodi) April 4, 2025

ते पुढे म्हणाले, “आपण आता एका नवीन युगात प्रवेश करत आहोत, जिथे व्यवस्था अधिक आधुनिक आणि न्याय्य असेल. प्रत्येक नागरिकाला आदर आणि समानता मिळावी हे आपले ध्येय आहे. या मार्गाचे अनुसरण करून आपण एक मजबूत, समावेशक आणि दयाळू भारत निर्माण करू.”