pm modi on pak। पंतप्रधान नरेंद्र मोदी यांनी शनिवारी दहशतवादावर मोठे वक्तव्य केले. “एक काळ असा होता की शेजारील देशातील दहशतवाद्यांच्या कारवायांमुळे आमचे लोक त्यांच्या घरांमध्ये आणि शहरात असुरक्षित होते. पण आता परिस्थिती बदलली आहे, आता फक्त तिथले दहशतवादी त्यांच्या घरात सुरक्षित नाहीत.”असे म्हणत त्यांनी पाकिस्तानवर निशाणा साधला.

एका इंग्रजी वर्तमानपत्राच्या कार्यक्रमामध्ये पंतप्रधान मोदी उपस्थित होते. यावेळी बोलताना पंतप्रधान,”आज मी २६-११ च्या मुंबई हल्ल्याचा अहवाल पाहिला. त्यावेळी दहशतवादामुळे लोकांना घरात असुरक्षित वाटत होते. पण आता काळ बदलला आहे. आपले सरकार व्होट बँकेच्या राजकारणापासून दूर राहून देशाच्या विकासासाठी काम करत असल्याचे त्यांनी म्हटले.

पंतप्रधानांनी महाराष्ट्रातील कार्यकर्त्यांना दिला ‘विजय मंत्र’ pm modi on pak।

तत्पूर्वी, पीएम मोदींनी नमो ॲपद्वारे ‘मेरा बूथ सबसे मजबूत’ कार्यक्रमांतर्गत महाराष्ट्रातील भाजप कार्यकर्त्यांशी संवाद साधला. यावेळी ते म्हणाले, ‘महायुती सरकारच्या अडीच वर्षांच्या कार्यकाळामुळे महाराष्ट्रातील जनता त्रस्त आहे. मी जिथे जिथे गेलो आहे तिथे मला तीच आपुलकी दिसली आहे. हे सरकार पुढील पाच वर्षे चालावे, अशी महाराष्ट्रातील जनतेची इच्छा आहे. संपूर्ण महाराष्ट्रात हीच भावना आहे.

काँग्रेसला आपला इतिहास माहीत pm modi on pak।

पीएम मोदी म्हणाले की, आमचे सरकार आणि आघाडी सरकारमधील हाच मुख्य फरक आहे आणि लोकांना हा फरक स्पष्टपणे जाणवू शकतो. आमचे सरकार सामूहिक प्रगतीची कल्पना करते, जिथे प्रत्येकाला पुढे जाण्याची संधी मिळते. काँग्रेसला आपला इतिहास माहीत आहे. जेव्हा एससी, एसटी आणि ओबीसी समाज कमी जागरूक होते तेव्हा त्यांनी केंद्रात पूर्ण बहुमत असलेले सरकार उपभोगले. मात्र, हे समाज एकत्र आल्याने काँग्रेसचे वर्चस्व कमी होऊ लागले. आता, काँग्रेसला या समुदायांमध्ये खोल दरी निर्माण करायची आहे, जेणेकरून त्यांना विरोध करण्यासाठी कोणतीही ताकद शिल्लक राहणार नाही.