PM Modi on NEET paper leak:  कॉकरोच  जनता पक्षाच्या संसद मोर्चानंतर पंतप्रधान नरेंद्र मोदी यांचे NEET पेपर लीकवरचे विधान प्रथमच समोर आले आहे. तरुणांच्या भविष्याशी खेळू देणार नाही, असे पंतप्रधान मोदींनी एनडीएच्या संसदीय पक्षाच्या बैठकीत सांगितले. पेपरफुटीप्रकरणी दोषींना कठोरात कठोर शिक्षा दिली जाईल” असे त्यांनी म्हटले आहे.

पंतप्रधान नरेंद्र मोदींनी संसदीय पक्षाच्या बैठकीत नीट परीक्षेच्या पेपरफुटी प्रकरणावर एक मोठे विधान केले. त्यांनी याविषयी पहिली प्रतिक्रिया दिली आहे.  “सरकारने तात्काळ कारवाई केली असून पेपरफुटीस जबाबदार असणाऱ्यांना लोकांचे कंबरडे मोडले आहे. पेपरफुटीनंतर परीक्षा पुन्हा घेण्यात आली. त्यांनी या संपूर्ण प्रकरणाला ‘गंभीर पाप’ म्हटले आणि अशा घटना पुन्हा घडू नयेत यासाठी सर्व राज्य सरकारांनी एकत्र काम केले पाहिजे, असे सांगितले.

सूत्रांनुसार, पंतप्रधानांनी बैठकीत स्पष्टपणे सांगितले की, या प्रकरणात सामील असलेल्या सर्वांना अटक करण्यात आली आहे. त्यांनी सांगितले की, आतापर्यंत एकूण १३ जणांना अटक करण्यात आली आहे. पंतप्रधानांनी यावर जोर दिला की, जबाबदार लोकांवर शक्य तितकी कठोर कारवाई केली पाहिजे, जेणेकरून भविष्यात कोणीही असे कृत्य करण्याचे धाडस करणार नाही. PM Modi on NEET paper leak: 

पंतप्रधानांचे हे विधान अशा वेळी आले आहे, जेव्हा नीट परीक्षेच्या पेपरफुटीमुळे देशभरातील विद्यार्थी आणि पालकांमध्ये संतापाची लाट पसरली आहे. लाखो विद्यार्थ्यांचे भविष्य या परीक्षेवर अवलंबून आहे आणि पेपरफुटीची बातमी समोर येताच हा एक मोठा राष्ट्रीय मुद्दा बनला. त्यानंतर सरकारने तपास यंत्रणांना या प्रकरणाची चौकशी करण्याचे निर्देश दिले, ज्यामुळे जबाबदार लोकांना अटक करून त्यांच्यावर कारवाई करण्यात आली.

पंतप्रधानांनी संसदीय पक्षाच्या बैठकीत असेही सांगितले की, विद्यार्थ्यांच्या भविष्याशी संबंधित कोणताही विषय हलक्यात घेता येणार नाही. पेपरफुटीसारख्या घटनांची पुनरावृत्ती टाळण्यासाठी परीक्षा प्रणाली अधिक मजबूत करण्याचे आवाहन त्यांनी राज्य सरकारांना केले. परीक्षांशी संबंधित कोणताही भ्रष्टाचार खपवून घेतला जाणार नाही आणि दोषींना कठोर शिक्षा केली जाईल, असे सरकारने स्पष्ट केले आहे.

दरम्यान, मंगळवारी जंतर मंतरवर कॉकरोच पार्टीचे आंदोलन सुरूच होते. सोमवारी, पावसाळी अधिवेशनादरम्यान, कॉकरोच पार्टी संसदेकडे मोर्चा काढत होती. यावेळी दिल्ली पोलिसांनी त्यांच्यावर कारवाई करून जमावाला पांगवले. मात्र, आंदोलक सायंकाळी उशिरा जंतर मंतरवर परतले. PM Modi on NEET paper leak: