PM Modi on Lalu Yadav। पंतप्रधान नरेंद्र मोदी यांनी बिहारमधील अररिया याठिकाणी महाआघाडीवर निशाणा साधला. आज एका जाहीर सभेत पंतप्रधान मोदींनी बिहारमधील जंगलराजसाठी राष्ट्रीय जनता दल (आरजेडी) जबाबदार धरले. याविषयी बोलताना त्यांनी ,”जंगलराजसाठी जबाबदार असलेले लोक स्वतःला तुमचे पालक म्हणवायचे आणि स्वतःला सम्राट मानायचे” असे म्हणत लालू प्रसाद यादव यांच्यावर टीका केली.

जाहीर सभेला संबोधित पंतप्रधान मोदी म्हणाले, “आज बिहारच्या विकासासाठी मतदानाचा पहिला टप्पा आहे. बिहारच्या विविध भागांमधून सोशल मीडियावर आश्चर्यकारक फोटो येत आहेत. सकाळपासून मतदान केंद्रांवर लांब रांगा लागल्या आहेत. माता, बहिणी आणि मुली मतदान करण्यासाठी मोठ्या संख्येने बाहेर पडत आहेत. बिहारमधील तरुणांमध्येही अभूतपूर्व उत्साह आहे. मी सर्व मतदारांचे अभिनंदन करतो.”

पंतप्रधान मोदी जंगलराजबद्दल काय म्हणाले? PM Modi on Lalu Yadav।

पुढे पंतप्रधान मोदी म्हणाले, “आज मी तुम्हाला तुमच्या मताची ताकद सांगतो. तुमच्या आजी-आजोबांच्या एका मताने बिहारला सामाजिक न्यायाची भूमी बनवले, पण नंतर ९० चे दशक आले आणि बिहारवर आरजेडीच्या जंगलराजने हल्ला केला.” जंगलराज म्हणजे हिंसाचार, क्रूरता, कटुता, वाईट वृत्ती, भ्रष्टाचार आणि कुशासन. हे जंगल राजचे लक्षण बनले आणि ते बिहारचे दुर्दैव बनले. तुमच्या पालकांची स्वप्ने चुरा झाली.”

नीतीश कुमारांनी बिहारला जंगलराजातून बाहेर काढले  PM Modi on Lalu Yadav।

पंतप्रधान मोदी म्हणाले, “जंगल राजच्या काळात बिहारमधील विकासाचे रिपोर्ट कार्ड शून्य आहे. १९९० ते २००५ पर्यंत १५ वर्षे या जंगल राजने बिहारला उद्ध्वस्त केले. सरकार चालवण्याच्या नावाखाली तुम्हाला फक्त लुटले गेले. एनडीए सरकारच्या काळात नितीश कुमार यांनी बिहारला जंगल राजातून बाहेर काढण्यासाठी कठोर परिश्रम केले आहेत.” २०१४ मध्ये डबल-इंजिन सरकार स्थापन झाल्यानंतर बिहारच्या विकासाला नवीन गती मिळाली आहे.”

पुढे ते म्हणाले, “पाटण्यात आयआयटीची स्थापना झाली आहे, बोधगयामध्ये आयआयएमची स्थापना झाली आहे, पटण्यात एम्सची स्थापना झाली आहे, दरभंगा एम्सचे काम वेगाने सुरू आहे, आता बिहारमध्ये राष्ट्रीय कायदा विद्यापीठ, भागलपूरमध्ये आयआयआयटी आणि बिहारमध्ये चार केंद्रीय विद्यापीठे देखील स्थापन झाली आहेत.”