PM Modi meets Yogi । उत्तर प्रदेशातील प्रयागराज येथे महाकुंभमेळ्याच्या समारोपानंतर मुख्यमंत्री योगी आदित्यनाथ पंतप्रधान नरेंद्र मोदी यांची भेट घेणार आहेत. महाकुंभाच्या समाप्तीनंतर दोघांमधील ही पहिलीच भेट आहे. पंतप्रधान मोदी आणि मुख्यमंत्री योगी यांच्यातील या भेटीत काही महत्त्वाच्या मुद्द्यांवर चर्चा होऊ शकते. यापैकी तीन मुद्दे प्रमुख आहेत. मुख्यमंत्री आणि पंतप्रधान यांच्यात  आज दुपारी बैठक होणार आहे.

पंतप्रधान आणि योगी तीन मुद्द्यांवर चर्चा करणार PM Modi meets Yogi ।

पंतप्रधान आणि मुख्यमंत्री ज्या तीन प्रमुख मुद्द्यांवर चर्चा करतील त्यामध्ये भारतीय जनता पक्षाच्या उत्तर प्रदेश युनिटमध्ये संघटनात्मक फेरबदल, जिल्हाध्यक्षांची निवड आणि मंत्रिमंडळ विस्तार यांचा समावेश असू शकतो.

जेपी नड्डा – योगी यांच्यात १ तास चर्चा PM Modi meets Yogi ।

याशिवाय, दोन्ही नेत्यांमध्ये महाकुंभमेळ्याबाबतही चर्चा होऊ शकते. यापूर्वी मुख्यमंत्री योगी आदित्यनाथ यांनी भारतीय जनता पक्षाचे राष्ट्रीय अध्यक्ष जगत प्रकाश नड्डा यांचीही भेट घेतली होती. सूत्रांनी दिलेल्या माहितीनुसार, या बैठकीत संघटनात्मक बदल आणि महाकुंभासह इतर मुद्द्यांवर चर्चा झाली. जेपी नड्डा आणि मुख्यमंत्री योगी यांच्यात १ तास चर्चा झाली.

हेही वाचा
महिलांनंतर दिल्ली सरकार गिग कामगारांना भेट देण्याच्या तयारीत ; राज्य सरकारकडून एक समिती गठीत