भोसरी :  कृष्णाननगर, चिंचवड येथील स्वामी विवेकानंद क्रीडा संकुल स्केटिंग रिंग (पीसीएमसी) येथे अमेथिस्ट स्पोर्ट्स अकॅडमी चिंचवडच्या वतीने आयोजित कार्यक्रमात 1 तास 25 मिनिटे 25 सेकंद सलग स्केटिंग करत दोन वर्ल्ड रेकॉर्डची नोंद करण्यात आली. या विक्रमाची लंडन बुक ऑफ वर्ल्ड रेकॉर्ड्स आणि इंडिया बुक ऑफ रेकॉर्ड्समध्ये नोंद झाली आहे. हा विक्रम सांयकाळी 5:00 ते 6:25:25 या वेळेत पूर्ण करण्यात आला.

सुफियान बंदेनवाज चौधरी, रेयांश किरण सुपेकर, सीनाय मनीष सर्की, श्रावणी रितेश गायकवाड, रुद्र प्रयागराज इंगळे, स्वरूप शशिकांत पवार, स्वामिनी सतीश शिर्साठ, जिक्रा असलम खान,आयशा सोनल अदसुळे, विवेक मारुती कदम, रुद्रांश यतीन देशमुख,साची भारत असावा,अन्वयी अजय सोंडकर,किंजल तुषार जैखेडकर, अद्वित सरकार,क्रिश जीग्नेश धोराजिया, सुनील यल्लप्पा केंगरे, श्रीराज बाळासाहेब पाटील, आयुष संजोग मोहोड, समर्थ संतोष म्हेत्रे, सुनिता यल्लप्पा केंगरे अशा एकूण 21 विद्यार्थ्यानी या उल्लेखनीय कामगिरीसाठी सहभाग नोंदविला.

कार्यक्रमाचे उद्घाटन प्रमुख पाहुणे विनोद जगदाळे गिनीज बुक ऑफ वर्ल्ड रेकॉर्ड होल्डर यांच्या हस्ते करण्यात आले. तर पालक व प्रमुख पाहुण्यांनी जोरदार टाळ्यांच्या गजरात स्केटर्सना प्रोत्साहन दिले. स्केटर्सनी अत्यंत उत्साहाने आणि आनंदाने स्केटिंग करत हा विक्रम प्रस्थापित केला.