पिंपरी : राजमाता जिजाऊ जन्मोत्सव समितीच्या वतीने सुमन काळे यांना आदर्श माता पुरस्कार प्रदान करण्यात आला. राजमाता जिजाऊ जयंतीनिमित्त पुणे येथील लालमहाल येथे आयोजित कार्यक्रमात हा सन्मान करण्यात आला. समाजसेविका प्रभाग सचिव योगिता निकम यांच्या हस्ते पुरस्काराचे वितरण करण्यात आले.

यावेळी उद्योजक संतोष सिताराम बारणे, माजी नगरसेवक गणेश धावडे, युवराज दिसले, सुशिल पवार, मुकेश यादव, प्रशांत धुमाळ, मधुकर जाधव, योगेश समेळ, स्मिता पवार, मंजिरी कोतुळे, वैष्णवी किराड आदी उपस्थित होते.

सुमन काळे यांनी मोठ्या कष्टाने आपल्या कुटुंबाचा डोलारा उभा केला. मुलांना सामाजिक आणि इतर विविध क्षेत्रात यशस्वी होण्यात मोठा वाटा उचलला. त्यांच्या या कामाची दखल घेत सुमन काळे यांना पुरस्काराने सन्मानित करण्यात आले. संभाजी ब्रिगेडचे पिंपरी-चिंचवड शहराध्यक्ष सतीश काळे यांच्या त्या आई आहेत.