Pimpalwandi Case – पिंपळवंडी येथे घडलेल्या दुर्दैवी अत्याचाराच्या घटनेची राज्य शासनाने गंभीर दखल घेतली असून, उपमुख्यमंत्री सुनेत्राताई पवार यांनी पीडित कुटुंबाची भेट घेऊन त्यांचे सांत्वन केले. या कठीण प्रसंगी शासन पीडित कुटुंबाच्या पाठीशी असून, त्यांना लवकरात लवकर न्याय मिळवून देण्यासाठी आवश्यक ती कार्यवाही केली जाईल, अशी ग्वाही त्यांनी दिली.

पीडित कुटुंबीयांशी संवाद साधताना उपमुख्यमंत्री सुनेत्रा पवार यांनी घटनेबद्दल तीव्र संवेदना व्यक्त केल्या. या प्रकरणातील दोषीवर कठोरात कठोर कारवाई व्हावी, यासाठी शासन पूर्ण ताकदीने प्रयत्न करणार असल्याचे त्यांनी सांगितले. पीडित कुटुंबाला लवकरात लवकर न्याय मिळवून दिला जाईल. दोषीला कठोर शिक्षा व्हावी, यासाठी सरकार प्रयत्नशील राहील, अशी ग्वाही त्यांनी यावेळी दिली.

या भेटीमुळे पीडित कुटुंबाला शासन आपल्या पाठीशी असल्याचा आधार मिळाला. घटनेतील दोषीला कठोर शिक्षा व्हावी आणि पीडित कुटुंबाला न्याय मिळावा, अशी मागणी परिसरातून सातत्याने होत आहे. यावेळी जुन्नर तालुक्याचे आमदार शरद सोनवणे, युवा नेते अमित बेनके, जिल्हा परिषदेचे माजी अध्यक्ष देवराम लांडे, जुन्नर कृषी उत्पन्न बाजार समितीचे माजी सभापती रघुनाथ लेंडे,

जिल्हा परिषद सदस्य तथा पुणे जिल्हा मध्यवर्ती सहकारी बँकेच्या संचालिका पूजा बुट्टे यांच्यासह अन्य मान्यवर उपस्थित होते. पिंपळवंडी येथील घटनेनंतर परिसरात संतापाचे वातावरण असून, पीडित कुटुंबाला न्याय मिळावा आणि दोषीला कठोर शिक्षा व्हावी, अशी भावना ग्रामस्थांकडून व्यक्त होत आहे. उपमुख्यमंत्री सुनेत्रा पवार यांनी दिलेल्या ग्वाहीनंतर या प्रकरणातील पुढील तपास आणि कायदेशीर कार्यवाहीकडे संपूर्ण तालुक्याचे लक्ष लागले आहे.