Pete Hegseth : अमेरिका -इस्रायलने इराणविरोधात छेडलेले युद्ध अतंहीन नाही. पण त्याची प्याप्ती अधिक वाढणार असून या युद्धात जीवितहानी अटळ आहे, असे अमेरिकेचे युद्धमंत्री पीट हेगसेथ (Pete Hegseth) यांनी म्हटले आहे. हे युद्ध म्हणजे इराकसारखे नाही. या युद्धाचा शेवट निश्चित आहे. मात्र या युद्धात आगामी काही आठवड्यात अमेरिकेचीही जीवितहानी होऊ शकते, असे ते म्हणाले. शनिवारच्या हल्ल्यांनंतर हेगसेथ (Pete Hegseth) यांनी जॉइंट चीफ्स ऑफ स्टाफचे अध्यक्ष एअर फोर्स जनरल डॅन केन यांच्याबरोबर ट्रम्प प्रशासनाची पहिली पत्रकार परिषद घेतली. ही कारवाई इराणच्या बॅलिस्टिक क्षेपणास्त्रे, नौदल आणि अणू प्रकल्पांना नष्ट करण्यासाठीच सुरू केली गेली आहे. त्यामुळे ही एक निश्चित उद्दिष्ट असलेली मोहिम आहे, असे हेगसेथ म्हणाले. हे युद्ध नक्की कधी समाप्त होईल याबाबत हेगसेथ, केन किंवा ट्रम्प प्रशासनाने कोणतीही निश्चित कालमर्यादा स्पष्ट केलेली नाही. मात्र इराणचे सर्वोच्च नेते आयोत्तुल्ला अली खामेनी ठार झाले असल्यामुळे ही मोहिम लवकरात लवकर समाप्त करण्याचा अमेरिकेचा प्रयत्न असेल, असे त्यांनी स्पष्ट केले. ही मोहिम केवळ राजवट उलथवून टाकून नवीन राजवटप्रस्थापित करण्यासाठी सुरू केली गेलेली नाही. या महिमेमुळे राजवट निश्चितच बदलली जाईल. ही मोहिम म्हणजे राष्ट्र उभारणीचा जटील प्रयत्न नाही, असेही त्यांनी स्पष्ट केले. इराणकडून सध्या तरी कोणताही आण्विक धोका संभवत नाही. पण भविष्यात देखील इराणकडून तशा प्रकारचा कोणताही धोका उद्भवू नये, यासाठीच ही कारवाई महत्वाची आहे, असेही ते म्हणाले.
