Passport rules : परदेशात जाण्यासाठी पासपोर्ट काढण्याचा विचार करत असाल, तर नवे नियम आणि शुल्क जाणून घेणे महत्त्वाचे आहे. परराष्ट्र मंत्रालयाने १७ सप्टेंबर २०२६ रोजी पासपोर्ट नियमांमध्ये बदल जाहीर केला आहे. विशेषतः १५ वर्षांखालील मुलांच्या पासपोर्टच्या वैधतेत बदल करण्यात आला आहे.

मुलांच्या पासपोर्टसाठी नवा नियम –  (Passport rules)

१५ वर्षांखालील मुलाला ३६ पानांचा सामान्य पासपोर्ट दिल्यास तो पाच वर्षे किंवा मुलाचे वय १८ वर्षे होईपर्यंत, यापैकी जे आधी होईल तोपर्यंत वैध राहील. यापूर्वी वयाची मर्यादा १५ वर्षे होती. त्यामुळे आता मुलांना पासपोर्टसाठी पुन्हा अर्ज करण्याची वेळ वयाच्या १८ वर्षांपर्यंत पुढे जाऊ शकते.

पासपोर्ट शुल्क किती?  (Passport rules)

 

नव्या शुल्कानुसार ३६ पानांच्या सामान्य पासपोर्टसाठी प्रौढांना ₹२,५००, तर ६० पानांच्या पासपोर्टसाठी ₹३,५०० शुल्क आहे. तत्काळ सेवेसाठी हे शुल्क अनुक्रमे ₹५,००० आणि ₹६,००० आहे.

१५ वर्षांखालील मुलांच्या ३६ पानांच्या पासपोर्टसाठी सामान्य शुल्क ₹१,७५०, तर तत्काळ सेवेसाठी ₹४,२५० आहे. ही सुधारित शुल्करचना १ जुलै २०२६पासून लागू झाली आहे.

पासपोर्टसाठी अर्ज करण्यापूर्वी संबंधित शुल्क आणि नियम अधिकृत पासपोर्ट सेवा संकेतस्थळावर तपासणे योग्य ठरेल.