Boat Accident : पूर्व आफ्रिकेतील जिबूतीच्या किनाऱ्याजवळ प्रवाशांनी खचाखच भरलेली बोट उलटल्याने भीषण दुर्घटना घडली आहे. या दुर्घटनेत किमान १३९ प्रवाशांचा मृत्यू झाला असून, मृतांमध्ये १५ लहान मुलांचा समावेश आहे. आणखी ८४ जण बेपत्ता आहेत. बोटीतील सुमारे ८२ प्रवाशांना वाचवण्यात यश आले आहे. बेपत्ता प्रवाशांचा शोध घेण्यासाठी बचावकार्य सुरू आहे. (Boat Accident)

३०५ प्रवाशांना घेऊन जाणारी बोट समुद्रात उलटली  (Boat Accident )

संयुक्त राष्ट्रांच्या आंतरराष्ट्रीय स्थलांतर संघटनेने (IOM) रविवारी, ११ ऑक्टोबर रोजी या दुर्घटनेची माहिती दिली. संस्थेच्या माहितीनुसार, ही बोट जिबूतीहून येमेनच्या दिशेने जात होती. ८ ऑक्टोबरच्या रात्री ते ९ ऑक्टोबरच्या पहाटेच्या दरम्यान ग्हेरे परिसरात, ओबॉक शहराच्या उत्तरेला ही दुर्घटना घडली. (Boat Accident)

बोटीमध्ये एकूण ३०५ प्रवासी होते. दुर्घटनेनंतर १३९ जणांचा मृत्यू झाल्याची नोंद करण्यात आली आहे. ८४ प्रवासी अद्याप बेपत्ता असून, ८२ जण बचावले असून मृतांची संख्या आणखी वाढण्याची भीती व्यक्त केली जात आहे. (Boat Accident)

रोजगाराच्या शोधात धोकादायक समुद्रप्रवास  (Boat Accident )

आफ्रिकेतील अनेक नागरिक रोजगार, आर्थिक संधी आणि सुरक्षित जीवनाच्या शोधात जिबूतीमार्गे येमेनकडे प्रवास करतात. येमेनमधून पुढे आखाती देशांमध्ये पोहोचण्याचा त्यांचा प्रयत्न असतो. मात्र, या मार्गावरील समुद्रप्रवास अत्यंत धोकादायक मानला जातो. (Boat Accident)

जिबूती आणि येमेनदरम्यान बाब-अल-मंदेब ही महत्त्वाची सामुद्रधुनी आहे. या अरुंद समुद्री मार्गातून आफ्रिकेच्या हॉर्न ऑफ आफ्रिका भागातून अरबी द्वीपकल्पाकडे जाणारे अनेक स्थलांतरित प्रवास करतात. अनेकदा क्षमतेपेक्षा जास्त प्रवासी बोटीत बसवल्याने अशा दुर्घटनांचा धोका वाढतो. (Boat Accident)

बचावकार्य सुरू; IOM कडून मदत  (Boat Accident)

या दुर्घटनेनंतर जिबूतीमधील स्थानिक प्रशासन आणि बचाव पथकांकडून शोधमोहीम राबवली जात आहे. बचावलेल्या प्रवाशांना आवश्यक वैद्यकीय मदत आणि इतर सहाय्य पुरवण्यात येत आहे. जिबूतीमधील IOM चे प्रमुख अलेक्झांडर कोयसॅक यांनी या दुर्घटनेबद्दल दुःख व्यक्त केले. (Boat Accident)

Malvan Boat Accident: मासेमारी करताना समुद्रात नौका बुडाली; भाजप नेत्याचा दुर्दैवी मृत्यू, मुलगा बचावला