Pandharpur News : पंढरपूर हादरले..! कार्तिकी यात्रेच्या तोंडावर सराईत गुन्हेगाराची गोळ्या झाडून हत्या; शहरात खळबळ
Pandharpur News : कार्तिकी एकादशी यात्रेच्या तोंडावरच पंढरपूर शहरात मध्यरात्री घडलेल्या गोळीबाराच्या थरारक घटनेने मोठी खळबळ उडाली आहे.

Pandharpur News : सोलापूर जिल्ह्यातील पंढरपूर शहरात कार्तिकी यात्रेच्या तोंडावर मध्यरात्री घडलेल्या गोळीबाराच्या घटनेने मोठी खळबळ उडाली आहे. सराईत गुन्हेगार व शिवा संघटनेचा जिल्हाध्यक्ष राजा भिंगे याची अज्ञात हल्लेखोरांनी गोळ्या झाडून हत्या केली. (Pandharpur News)
इसबावी परिसरातील त्याच्या राहत्या घराजवळच हा थरारक प्रकार घडला. या घटनेमुळे पंढरपूर शहरात भीतीचे वातावरण निर्माण झाले आहे. मिळालेल्या प्राथमिक माहितीनुसार, राजा भिंगे मंगळवारी रात्री जेवण झाल्यानंतर घराबाहेर शतपावली करण्यासाठी आला होता. (Pandharpur News)
याचवेळी दुचाकीवरून आलेल्या अज्ञात हल्लेखोरांनी त्याच्यावर अचानक गोळीबार केला.या दोघा हल्लेखोरांनी गावठी पिस्तुलातून तीन ते चार गोळ्या झाडल्या. अचानक झालेल्या गोळीबारामुळे परिसरात एकच धावपळ उडाली. (Pandharpur News)
गंभीर जखमी झालेल्या भिंगे याला तातडीने पंढरपूर येथील खासगी लाईफ लाईन रुग्णालयात उपचारासाठी दाखल करण्यात आले. मात्र, या हल्ल्यात त्यांचा मृत्यू झाला. रुग्णालयात घटनेची माहिती समजताच त्यांचे समर्थक आणि कार्यकर्त्यांनी मोठी गर्दी केली होती. (Pandharpur News)
या हत्येमागे पूर्ववैमनस्य असण्याची शक्यता प्राथमिक स्वरूपात व्यक्त केली जात आहे. पोलिसांनी घटनास्थळी धाव घेऊन तपास सुरू केला आहे. परिसरातील सीसीटीव्ही कॅमेऱ्यांचे फुटेज तपासण्यात येत असून हल्लेखोरांची ओळख पटविण्याचे प्रयत्न सुरू आहे. संशयितांचा शोध घेण्यासाठी पोलिसांकडून शहरात शोधमोहीमही सुरू करण्यात आली आहे. (Pandharpur News)





