Pakistan Emergency : पाकिस्तानमधील राजकीय संकटाचा परिणाम क्रिकेटवर होऊ लागला आहे. पाकिस्तानी सरकारने अलीकडेच खैबर पख्तुनख्वा प्रदेशात आणीबाणी जाहीर केली आहे, ज्यामुळे पाकिस्तान क्रिकेट बोर्डाला (पीसीबी) क्रिकेट हंगामाचे वेळापत्रक बदलावे लागले आहे. १२ सप्टेंबरपासून सुरू होणारी प्रेसिडेंट्स कप ही प्रथम-श्रेणी स्पर्धा आता २४ ऑक्टोबरपर्यंत चालणार आहे.

पेशावर आणि ॲबटाबादसारखे महत्त्वाचे प्रदेश खैबर पख्तुनख्वामध्ये येतात. पाकिस्तानी सरकारने खैबर पख्तुनख्वामध्ये आणीबाणी आणि राज्यपाल राजवट लागू केल्यामुळे, पीसीबीने पेशावर आणि ॲबटाबादमध्ये नियोजित असलेले सामने शेखूपुरा आणि लाहोर येथे हलवले आहेत.

प्रेसिडेंट्स कप ही पाकिस्तानमध्ये खेळली जाणारी प्रथम-श्रेणी, ग्रेड १ ची देशांतर्गत स्पर्धा आहे. सामने पेशावर, ॲबटाबाद, इस्लामाबाद आणि रावळपिंडी येथे खेळले जात होते. मात्र, पेशावर आणि ॲबटाबाद हे खैबर पख्तुनख्वा प्रांतात येतात. इस्लामाबाद आणि रावळपिंडी येथील सामने नियोजित वेळेनुसार खेळले जातील.

आणीबाणी का लागू करण्यात आली? Pakistan Emergency : 

पाकिस्तानचे अध्यक्ष आसिफ अली झरदारी यांनी संविधानाच्या कलम २३२(१) आणि २३४(१) अंतर्गत आणीबाणी जाहीर केली. वाढते दहशतवादी हल्ले आणि त्यामुळे शासकीय यंत्रणेत निर्माण झालेला व्यत्यय ही आणीबाणी आणि राज्यपाल राजवटीची कारणे असल्याचे म्हटले जाते. ही आणीबाणीची प्रमुख कारणे म्हणून सांगितली जातात.

अंतिम फेरीचे सामने १९ ऑक्टोबरपासून सुरू होणार Pakistan Emergency : 
ईएसपीएन क्रिकइन्फोच्या वृत्तानुसार, अंतिम फेरीतील एक सामना एलएलसीए (लाहोर सिटी क्रिकेट असोसिएशन ग्राउंड) येथे खेळला जाईल. हैदराबाद किंग्समेन अकादमी आणि स्टेट बँक ऑफ पाकिस्तान यांच्यातील सामना इस्लामाबाद येथील नॅशनल क्रिकेट ग्राउंडवर खेळला जाईल.

शिवाय, अंतिम फेरीच्या सामन्यांच्या तारखा एक दिवस आधी म्हणजेच १९ ऑक्टोबर रोजी निश्चित करण्यात आल्या आहेत. गेल्या दोन दशकांपासून पाकिस्तानात प्रेसिडेंट कप खेळला जात आहे.