P.S. Prasanth : सबरीमाला येथील सोने गहाळ झाल्याच्या प्रकरणाशी संबंधित चौकशीसाठी ‘विशेष तपास पथकाने’ (एसआयटी) गुरुवारी त्रावणकोर देवस्वम बोर्डाचे (टीडीबी) माजी अध्यक्ष पी. एस. प्रशांत (P.S. Prasanth) यांना तिरुवनंतपुरम येथील त्यांच्या निवासस्थानावरून ताब्यात घेतले.

प्रशांत (P.S. Prasanth) यांनी २०२३ ते २०२५ या काळात टीडीबीचे अध्यक्ष म्हणून काम पाहिले आहे. याशिवाय, एसआयटी बोर्डाचे माजी सदस्य अजी कुमार आणि पवित्र दागिन्यांचे (‘तिरुवाभरणम’) आयुक्त आर. रेजीलाल यांचीही चौकशी करत आहे.

हे प्रकरण सबरीमाला मंदिरातील ‘द्वारपालक’ मूर्ती आणि गर्भगृहाच्या दरवाजांच्या चौकटींवर २०१९ मध्ये झालेल्या ‘इलेक्ट्रोप्लेटिंग’ प्रक्रियेदरम्यान सोने गहाळ झाल्याशी संबंधित आहे. प्रशांत (P.S. Prasanth) अध्यक्ष असताना २०२५ मध्येही अशाच प्रकारची इलेक्ट्रोप्लेटिंग प्रक्रिया झाली होती, ज्यातून सोने चोरीला गेल्याचा संशय आहे. ‘नॅशनल मेटलर्जिकल लॅबोरेटरी’च्या वैज्ञानिक अहवालावरून या तपासाला नवी दिशा मिळाली असून, न्यायालयाने या दोन्ही प्रकरणांचा तपास एकत्र करण्याचे निर्देश दिले आहेत.

दरम्यान, पोलिसांच्या कारवाईपूर्वी प्रशांत यांनी फेसबुक पोस्टद्वारे आपल्याला राजकीय हेतूने प्रेरित होऊन अटक होण्याची भीती व्यक्त केली होती. प्रशांत (P.S. Prasanth) हे पूर्वी काँग्रेसमध्ये होते आणि नंतर त्यांनी सीपीआय(एम) मध्ये प्रवेश केला होता. आता एसआयटी या दोन्ही वर्षांतील इलेक्ट्रोप्लेटिंग प्रक्रियेतील संशयितांच्या कार्यपद्धतीची सखोल चौकशी करत आहे.