पुणे :  पु. ना. गाडगीळ आणि सन्स यांच्या १९५ वर्षांच्या विश्वासार्ह परंपरेतून साकारलेल्या रेवा डायमंड्स या प्रमाणित नैसर्गिक हिऱ्यांच्या दागिन्यांच्या प्रीमियम ब्रँडने अमनोरा मॉल, हडपसर येथे आपल्या तिसऱ्या एक्सक्लुझिव्ह शोरूमचे उद्घाटन केले. अत्याधुनिक रचना, आकर्षक इंटिरिअर्स आणि प्रमाणित नैसर्गिक हिऱ्यांच्या दागिन्यांचा विस्तृत संग्रह यामुळे हे शोरूम पूर्व पुण्यातील ग्राहकांसाठी प्रीमियम डायमंड ज्वेलरीचे नवे आकर्षण ठरणार आहे.

वाकड आणि पौड रोड येथील यशस्वी शोरूमनंतर अमनोरा मॉलमधील हे रेवा डायमंड्सचे तिसरे एक्सक्लुझिव्ह शोरूम असून, पूर्व पुण्यातील वेगाने विकसित होत असलेल्या आणि बहुसांस्कृतिक ग्राहकवर्गाच्या गरजा लक्षात घेऊन ते उभारण्यात आले आहे. येथे एंगेजमेंट रिंग्ज, ब्रायडल कलेक्शन, सॉलिटेअर्स, समकालीन डिझाइन्स तसेच दैनंदिन वापरासाठी प्रमाणित नैसर्गिक हिऱ्यांच्या दागिन्यांची आकर्षक श्रेणी उपलब्ध आहे.

यावेळी पीएनजीएस रेवा डायमंड्स ज्वेलरी लिमिटेडचे संचालक व मुख्य कार्यकारी अधिकारी श्री. अमित मोडक म्हणाले, “प्रमाणित नैसर्गिक हिऱ्यांच्या दागिन्यांसाठी ग्राहकांना जागतिक दर्जाचा अनुभव देण्याचा आमचा प्रयत्न आहे. अमनोरा मॉलमधील हे नवीन शोरूम पूर्व पुण्यातील ग्राहकांना उत्कृष्ट डिझाइन्स, विश्वासार्हता आणि सर्वोत्तम सेवा उपलब्ध करून देईल.”

पीएनजीएस रेवा डायमंड्स ज्वेलरी लिमिटेडचे संचालक श्री. अजित गाडगीळ म्हणाले, “पु. ना. गाडगीळ आणि सन्स यांच्या १९५ वर्षांच्या विश्वासाच्या वारशातून उभा राहिलेला ‘रेवा डायमंड्स’ हा ब्रँड गुणवत्ता, पारदर्शकता आणि उत्कृष्ट कारागिरीचा मानदंड आहे. अमनोरा मॉलमधील हे तिसरे एक्सक्लुझिव्ह शोरूम आमच्या विस्ताराच्या प्रवासातील महत्त्वाचा टप्पा असून, पूर्व पुण्यातील ग्राहकांसाठी प्रीमियम नैसर्गिक हिऱ्यांच्या दागिन्यांचे नवे विश्वासार्ह ठिकाण ठरेल.”

भव्य उद्घाटनानिमित्त ग्राहकांसाठी १९ जुलै २०२६ पर्यंत प्रमाणित नैसर्गिक हिऱ्यांच्या दागिन्यांच्या घडणावळीवर (Making Charges) १००% पर्यंत सूट देण्यात येत आहे. या मर्यादित कालावधीतील विशेष ऑफरचा लाभ घेऊन ग्राहकांना उत्कृष्ट नैसर्गिक हिऱ्यांचे दागिने अधिक आकर्षक दरात खरेदी करण्याची सुवर्णसंधी उपलब्ध झाली आहे.