Manoj Jarange : आजपासून मराठा समाजाच्या आरक्षणाच्या मागणीसाठी अंतरवाली सराटी येथे मनोज जरांगे आंदोलनाला बसले आहेत. हे शेवटचे निर्णायक आंदोलन असल्याचे त्यांनी यापूर्वीच जाहीर केले आहे. मराठा समाजासाठी ही शेवटची लढाई असून कुणीही घरात बसू नये, असे आवाहन मनोज जरांगे यांनी मराठा समाजाला केले आहे. या आंदोलनाच्या माध्यमातून मनोज जरांगे यांनी सरकावरला जाब विचारत मोठी मागणी केली आहे.

५८ लाख नोंदींच्या आधारे सर्वांना कुणबी प्रमाणपत्र द्यावं या जुन्या मागणीसह जातपडताळणीत नाकारलेली प्रमाणपत्रही यासंह विविध मागण्यासाठी मनोज जरांगे मैदानात उतरले आहेत. आज माध्यमांसोबत संवाद साधताना मनोज जरांगे यांनी थेट जात पडताळणी समितीच बरखास्त करण्याची मोठी मागणी केली आहे. देशात कुठेही जातपडताळणी समिती नाही मग राज्यात का, असा सवाल त्यांनी सरकारला केला आहे.

देशात कोणत्याही राज्यात जात पडताळणी समिती नाही. मग महाराष्ट्रात कशाला? मनोज जरांगेंचा सवाल 

‘बाकीच्या राज्यात जातपडताळणी समिती नाही मग महाराष्ट्रात कशाला? यात मराठ्यांचा फायदा नाही सगळ्यांचाच फायदा. यांना विरोध कशाला करावा हेच कळत नाही. सगळं असूनही जात पडताळणी समिती का व्हॅलिटीडी नाकारते. देशात कोणत्याही राज्यात जात पडताळणी समिती नाही. मग महाराष्ट्रात कशाला? जात पडताळणी समितीला पैसे द्यायचे कुठून ज्यांचा या मागणीला विरोध असेल त्यांनी विरोध असू द्यावा, असे मनोज जरांगे म्हणाले आहेत.

कुणबी प्रमाणपत्र आणि व्हॅलीडिटी कोणत्या पद्धतीने देणार हे समजाऊन सांगा