Operation Sindoor । दहशतवादाच्या मुद्द्यावर पाकिस्तानचा खरा चेहरा जगासमोर आणण्यासाठी भारताने पूर्ण योजना आखली आहे. केंद्र सरकार जगभरात ५९ सदस्यांचे शिष्टमंडळ पाठवणार आहे.  सर्वपक्षीय खासदारांचे ७ शिष्टमंडळ तयार करण्यात आले आहेत. यामध्ये १० मुस्लिम नेत्यांचाही समावेश करण्यात आला आहे. या शिष्टमंडळात ५१ नेते आणि ८ राजदूतांचा समावेश आहे. त्यात एनडीए, काँग्रेस आणि इतर पक्षांच्या नेत्यांना स्थान मिळाले आहे. भारतीय शिष्टमंडळ २३ किंवा २४ मे रोजी रवाना होण्याची शक्यता वर्तवण्यात येत आहे.

सरकारने तयार केलेल्या शिष्टमंडळाची ७ वेगवेगळ्या गटांमध्ये विभागणी करण्यात आली आहे. प्रत्येक गटासाठी एक नेता निवडला गेला आहे. महत्त्वाची गोष्ट म्हणजे प्रत्येक गटात किमान एका मुस्लिम नेत्याला स्थान देण्यात आले आहे. भाजप खासदार बैजयंत पांडा यांना गट १ ची जबाबदारी देण्यात आली आहे. गट २ ची जबाबदारी भाजपचे रविशंकर प्रसाद, गट ३ जेडीयूचे संजय कुमार झा आणि गट ४ ची जबाबदारी शिवसेनेचे श्रीकांत शिंदे यांना देण्यात आली आहे. गट ५ चे नेते शशी थरूर आहेत. गट ६ ची जबाबदारी द्रमुक खासदार कनिमोळी यांना देण्यात आली आहे आणि गट ७ ची जबाबदारी राष्ट्रवादी-सीएसपी खासदार सुप्रिया सुळे यांना देण्यात आली आहे.

‘या’ मुस्लिम नेत्यांचा शिष्टमंडळात समावेश Operation Sindoor ।

एआयएमआयएमचे खासदार असदुद्दीन ओवैसी आणि डीपीएपीचे गुलाम नबी आझाद यांना मुस्लिम नेते म्हणून गट १ मध्ये समाविष्ट करण्यात आले आहे. गट १ चे शिष्टमंडळ सौदी अरेबिया, कुवेत, बहरीन आणि अल्जेरियाला भेट देणार आहेत. गुलाम अली खताना आणि एमजे अकबर यांचा गट २ मध्ये समावेश करण्यात आला आहे. गट ३ मध्ये सलमान खुर्शीद, गट ४ मध्ये ईटी मोहम्मद बशीर, गट ५ मध्ये डॉ. सरफराज अहमद, गट ६ मध्ये मियां अल्ताफ अहमद आणि जावेद अशरफ, गट ७ मध्ये सय्यद अकबराउद्दीन यांचा मुस्लिम नेते म्हणून समावेश करण्यात आला आहे.

भारतीय शिष्टमंडळ कोणत्या देशांना भेट देईल? Operation Sindoor ।

गट १ सौदी अरेबिया, कुवेत, बहरीन आणि अल्जेरियाला भेट देईल. गट २ मध्ये युके, फ्रान्स, जर्मनी, ईयू, इटली आणि डेन्मार्कचा समावेश असेल. गट ३ मध्ये इंडोनेशिया, मलेशिया, दक्षिण कोरिया, जपान आणि सिंगापूर हे संघ जातील. गट ४ मध्ये संयुक्त अरब अमिराती, लायबेरिया, काँगो आणि सिएरा लिओन असतील. तर गट ५ अमेरिका, पनामा, गयाना, ब्राझील आणि कोलंबियाला भेट देईल. गट ६ स्पेन, ग्रीस, स्लोव्हेनिया, लाटविया आणि रशियाला भेट देईल. त्याचप्रमाणे, गट ७ मध्ये इजिप्त, कतार, इथिओपिया आणि दक्षिण आफ्रिका जाईल.

हेही वाचा
‘आधार’ देऊनही लाभार्थी झाले निराधार….? संजय गांधी, श्रावणबाळ योजनेचे अनुदान थकले!