नवी दिल्ली : दिल्ली पोलिसांनी एका व्यक्तीला हिट अँड रन प्रकरणात अटक केली आहे, ज्यामध्ये आरोपीच्या वाहनाने मोटारसायकलला धडक दिल्याने दोन जण ठार झाले आणि दोन जण गंभीर जखमी झाले. धीरज तलवार असे आरोपीचे नाव असून त्याचे वाहन जप्त करण्यात आले आहे. २२ जुलै रोजी, राष्ट्रीय महामार्ग-८ वरील खांब क्रमांक १६३ जवळ अपघाताबाबत एक पीसीआर कॉल आला. कॉलरने आम्हाला सांगितले की मोटारसायकलवरील चार जण अपघातात सापडले आहेत आणि ते गंभीर जखमी झाले आहेत, असे पोलिस उपायुक्त (दक्षिण-पश्चिम) ) रोहित मीना म्हणाले.

दिल्ली कॅन्टोन्मेंट पोलिस स्टेशनचे कर्मचारी घटनास्थळी दाखल झाले आणि त्यांना रस्त्यावर रक्त पडलेले दिसले, असे अधिकाऱ्याने सांगितले. जखमींना अगोदरच रुग्णवाहिकेने एम्सच्या ट्रॉमा सेंटरमध्ये हलवण्यात आले होते. नसरीन (३५) आणि तिचा मुलगा अजीम (१३) यांना मृत घोषित करण्यात आले. नसरीनचे पती मेहबूब (३७) आणि मुलगी आयशा (६) यांच्यावर उपचार सुरू आहेत. यानंतर पोलिसांनी एफआयआर दाखल करून तपास सुरू केला होता.

“आम्ही सुमारे १० किलोमीटर परिसरात बसवलेल्या ५० हून अधिक सीसीटीव्हीचे फुटेज तपासले. आम्ही वाहन ओळखले आणि त्याच्या मालकाची चौकशी करण्यात आली. वाहनाच्या मालकाने पोलिसांना सांगितले की, तिचा पती धीरज तलवार याने कार बाहेर काढली होती. तलवार त्यानंतर अटक करण्यात आली,” डीसीपी म्हणाले.