Actor Ranveer Singh : नुकताच श्रीलाला आणि बॅाबी देओल या कलाकारांनी सोशल मीडियाच्या माध्यमातून पोस्टर शेअर करत लुक समोर आणला आहे. आता बॅालिवूडचा आघाडीचा कलाकार रणवीर सिंहने देखील सोशल मीडियावर पोस्ट शेअर करत त्याचा अनोखा लुक शेअर केला आहे. यामुळे आता हा सिनेमा आहे की आणखी काही याबाबत माहिती समोर आलेली नाही.

या पोस्टर्सद्वारे नक्की कोणत्या सिनेमाचे प्रमोशन केले जात आहे, याची चर्चा आता सोशल मीडियावर सुरू झाली आहे. पण हा सिनेमा आहे की आणखी काय याबाबत अधिकृत कोणतीही माहिती समोर आलेली नाही. रणवीर सिंहने त्याच्या सोशल मीडिया अकाऊंटवरून शेअर केलेल्या पोस्टरमध्ये तो एका जबरदस्त लुकमध्ये दिसत आहे.

या सिनेमाचे नाव काय आहे हे जरी समोर आले नसले तरी रणवीर सिंग एका एजंटची भूमिका साकारणार असल्याचे त्याने पोस्टमध्ये म्हटले आहे. हा सिनेमा इंटेलिजेंस ब्युरोच्या पार्श्वभूमीवर घडणार असल्याचे म्हटले जात आहे. मात्र, अद्यापर्यंत सिनेमाच्या नावाची अधिकृत माहिती समोर आलेले नाही.

डोळ्यावर जाड चष्मा, लांब केस आणि दाढी या लुकमध्ये रणवीर सिंह दिसत आहे. या पोस्टरवर १९ ऑक्टोबर ही तारीख आणि “आग लगा दे” हा हॅशटॅग वापरला आहे. त्यामुळे आता १९ अॅाक्टोबरला नक्की काय होणार यासाठी त्या दिवसाची वाट पाहावी लागणार आहे. अभिनेत्री श्रीलाला हिने देखील तिच्या पोस्टमध्ये १९ अॅाक्टोबरच्या तारखेचा उल्लेख केला आहे.

हेही वाचा : कॅामेडीचा डोस डबल! अजय देवगणच्या ‘दे दे प्यार दे 2’ सिनेमाचा ट्रेलर प्रदर्शित