आंतरराष्ट्रीय अंमली पदार्थविरोधी दिनानिमित्त, टेम्पेस्ट ॲडव्हर्टायझिंगने ‘सायलेंट नो मोअर’ ही भावनिक नाते जोडणारी आणि प्रभावी जनजागृती मोहीम सुरु केली. अंमली पदार्थाच्या आहारी गेलेल्या व्यक्तींनी मोकळेपणाने बोलावे, मदत घ्यावी आणि पुनर्वसनाच्या दिशेने पहिले ठोस पाऊल टाकावे हा या उपक्रमाचा उद्देश होता. ‘गो मॅड फॉर गुड’ ही टेम्पेस्ट ॲडव्हर्टायझिंगची या वर्षीची थीम आहे. त्यानुसार टेम्पेस्ट ॲडव्हर्टायझिंगचे कर्मचारी हैदराबाद, पुणे, बंगलोर आणि मुंबई या शहरांमध्ये रस्त्यावर उतरले. त्यांनी ‘सायलेंट नो मोअर’ या मोहिमेचे बॅनर आणि प्लेकार्ड्स हातात धरून, लोकांनी व्यसनाधीनतेविषयी खुलेपणाने बोलावे, समस्येला सामोरे जावे आणि आरोग्यदायी आयुष्य निवडावे, असे आवाहन केले. ‘Every Scar Has a Story’ (प्रत्येक जखमेमागे एक कथा असते) आणि ‘You Don’t Need Dope to Be Happy’ (आनंदी राहण्यासाठी व्यसनाची गरज नाही) अशा आशादायक आणि सहानुभूतीपूर्ण संदेशांनी जनतेला प्रेरणा दिली. कृतीशील व सकारात्मक बदल घडावा म्हणून, प्रत्येक बॅनर व प्लॅकार्ड सोबत ‘लिव्हिंग सोबर रीहॅब’ या कौन्सेलिंग व पुनर्वसन संस्थेशी जोडलेला क्यूआर कोड दिला होता. ही संस्था अंमली पदार्थांचे सेवन करणाऱ्यांना व्यसनमुक्तीसाठी मार्गदर्शन व सल्ला देते. हैदराबाद, पुणे, बंगलोर आणि मुंबई या चार मेट्रो शहरांमधील सार्वजनिक ठिकाणी राबविलेल्या या मोहिमेने अनेक नागरिकांचे लक्ष वेधून घेतले. हैदराबादमध्ये पॅराडाईज, रसूलपुरा, बेगमपेट, अमीरपेट आणि ज्युबिली हिल्स चेकपोस्ट या ठिकाणी, तर पुण्यामध्ये बालगंधर्व चौक, भांडारकर रोड, अलका थिएटर चौक येथे तरुणाई व नागरिकांपर्यंत हा संदेश थेट पोहोचला. आतापर्यंत न सांगितलेल्या कथा समोर आणणे, व्यसनासंबंधी असलेला कलंक दूर करणे आणि आशयपूर्ण व परिवर्तनशील संवाद सुरु करणे, हे टेम्पेस्ट ॲडव्हर्टायझिंगचे ‘सायलेंट नो मोअर’ या उपक्रमामागचे उद्दिष्ट आहे. कारण, जेव्हा मौन संपतं, तेव्हाच घाव भरून यायला सुरुवात होते. अधिक माहितीसाठी संपर्क साधाः श्री. संजय शिंदगीकर ss@tempestadvertising.com फोन: Ph: +91 97678 97911 Tempest Advertising Pvt. Ltd. Niketan-B Apartments. Flat No. 18, 2nd Floor, Prabhat Road, Lane No. 10, Harshvardhan Society, Erandwane, Pune 411004 www.tergestadvertising.com
