Delhi News : दिल्ली विमानतळावर (Delhi News) एका भारतीय प्रवाशाकडून सुमारे ५ किलो संशयास्पद कृत्रिम अमली पदार्थ जप्त करण्यात आले आहेत. या पदार्थांची किंमत सुमारे ५ कोटी रुपये असल्याचे अधिकाऱ्यांनी सांगितले.

गुप्त माहितीच्या आधारे, मनिलाहून आलेल्या या प्रवाशाला सीमाशुल्क विभागाच्या एअर इंटेलिजन्स युनिटच्या अधिकाऱ्यांनी (Delhi News) अडवले. प्रवाशाच्या सामानाची तपासणी केली असता, त्यात दैनंदिन खाद्यपदार्थांच्या पाकिटांमध्ये लपवून ठेवलेले सुमारे ५ किलो वजनाचे एक मिश्रण सापडले. या मिश्रणात एमडीएमए आणि इतर अमली पदार्थ असण्याची शक्यता आहे.

प्राथमिक चाचणीमध्ये हे पदार्थ कृत्रिम अमली पदार्थ (Delhi News) असल्याचे दिसून आले. त्यानंतर, नार्कोटिक ड्रग्ज अँड सायकोट्रोपिक सबस्टन्सेस ॲक्ट, १९८५ अंतर्गत पुढील तपासणीसाठी हे पदार्थ जप्त करण्यात आले आहेत. हे अमली पदार्थ कोठून आले आणि अमली पदार्थांच्या तस्करीच्या जाळ्याशी संबंधित इतर कोणकोणते दुवे आहेत, याचा शोध घेण्यासाठी पुढील तपास सुरू आहे.