Singer Badshah : बॅालीवूडमधील प्रसिद्ध गायक बादशाह याने नुकताच त्याच्या इंन्स्टाग्राम अकाऊंटवरून एक फोटो शेअर केला होता. या फोटोत त्याच्या डोळ्याला गंभीर दुखापत झाल्याचे दिसत होते. ज्या डोळ्याला दुखापत झाली आहे, त्यावर पांढऱ्या रंगाचा पॅच लावलेला होता. यामुळे त्याचे चाहत्यांना चिंता वाटत होती. या फोटोच्या खाली कमेंट करून त्याच्या चाहत्यांनी काय झालं आहे? काळजी घे अशा अनेक कमेंट्स केल्या होत्या. अखेर बादशाहला नेमकं काय झालं आहे, याबाबत माहिती समोर आली आहे.

नुकतीच बादशाहची डोळ्यांची किरकोळ शस्त्रक्रिया झाली असून, बादशाहने बुधवारी इंस्टाग्रामवर स्वतःचे काही फोटो पोस्ट केले. त्यामुळे त्याच्या चाहत्यांमध्ये चिंता निर्माण झाली होती. या फोटोमध्ये बादशाहच्या एका डोळ्यावर खूप सूज असल्याचं स्पष्टपणे दिसत आहे. “अवतार जी का पंच हिट्स करता है जैसे…” त्याने “बॅड्स ऑफ बॉलिवूड” आणि “कोकैना” हे हॅशटॅग जोडले आहेत. हे पाहून चाहते कमेंट्सद्वारे त्याच्या तब्येतीची विचारपूस करत आहेत. अनेकांनी लवकरात लवकर तो बरा व्हावा म्हणून प्रार्थना केली आहे.

 

View this post on Instagram

 

A post shared by BADSHAH (@badboyshah)

एका वृत्तपत्राने दिलेल्या बातमीनुसार, बादशाला ही दुखापत तो लाइव्ह शो करत असताना झाली आहे. परफॅार्मन्स करत असताना अचानक त्याच्या डोळ्यात काहीतरी गेले, मात्र त्याने शो थांबवला नाही. त्यानंतर डॅाक्टरांच्या सल्ल्यानुसार ज्या डोळ्याला इजा झाली होती. त्यावर किरकोळ शस्त्रक्रिया करण्यात आली आहे. यामुळे डॅाक्टरांनी त्याच्या डोळ्यावर पाच दिवसांसाठी पॅच लावला आहे. यामुळे आता चाहत्यांना चिंता करण्याची गरज नसून तो लवकरच बरा होईल, असं सांगण्यात आलं आहे.

बादशाहा हा बॅालिवूडमधील प्रसिद्ध गायक आहे. त्याने आतापर्यंत अनेक गाणी केली आहेत. आर्यन खान याने दिग्दर्शित केलेल्या ‘बॅड्स अॅाफ बॅालीवूड’ या शोमध्ये तो एका खास भूमिकेत दिसला. आतापर्यंत बादशाने गेंदा फूल, प्रोपर पटोला, कर गयी चूल, अभी तो पार्टी शूरु हुई है, हर्टलेसस बावरा यांसारखी अनेक गाणी गायली आणि रचली सुदधा आहेत. ही सर्वच गाणी लोकप्रिय आहेत.

हेही वाचा : “मला पाडण्याचे षड़यंत्र…” ; अमेरिकेचे राष्ट्राध्यक्ष ट्रम्प यांची संयुक्त राष्ट्रांवर टीका