Indurikar Maharaj | किर्तनाद्वारे समाजप्रबोधनाचे कार्य करणारे इंदुरीकर महाराज त्यांची कन्या ज्ञानेश्वरी हिच्या शाही साखरपुडा सोहळ्याची चर्चा राज्यभरात झाली. लोकांना किर्तनातून साध्या पद्धतीने लग्न करण्याचा सल्ला देणाऱ्या इंदुरीकर महाराज यांना त्यांच्याच मुलीच्या साखरपुड्याच्या कार्यक्रमासाठी मोठ्या प्रमाणावर खर्च केला. सोशल मीडियावर साखरपुडा सोहळ्यातील व्हिडीओ व्हायरल झाल्यानंतर इंदुरीकर महाराजांवर मोठ्या प्रमाणात टीका झाली. यावरून इंदुरीकर महाराज यांनी संताप व्यक्त करत ‘माझ्यापर्यंत सर्व टीका ठीक पण कुटुंबापर्यंत गेले आहे. त्यामुळे मला अक्कल आली पाहिजे. मी आता फेटा खाली ठेवण्याच्या विचारात आहे, असे म्हणत किर्तनसेवा थांबवणार असल्याचे संकेत दिले होते. मात्र आता त्यांचा आणखी एक व्हिडिओ समोर आला आहे. ज्यात त्यांनी थेट टीका करणाऱ्यांना ओपन चॅलेंज दिले आहे. आता त्यांनी मुलीचं लग्न आणखी टोलेजंग करणार असल्याचं चॅलेंज दिलं आहे. या औलादी माझ्या मुळावर उठणार समोर आलेल्या व्हिडिओमध्ये इंदुरीकर महाराज म्हणतात की, “मला माहिती होत की, या औलादी माझ्या मुळावर उठणार आहेत. पण मी यांना चॅलेंज देऊन सांगणार आहे की, यापेक्षाही लग्न टोलेजंग करणार आहे. होऊ द्या काय व्हायचं ते! इकडं दुनिया खाल्ली लोकांनी, यांची काय टाप आहे.” इंदुरीकर महाराज यांनी केलेलं हे विधान एका कीर्तनातील आहे. Indurikar Maharaj | राजकीय सभांवर भाष्य करताना इंदुरीकर यांनी, ‘तीस मिनिटांच्या सभेसाठी तीन कोटी खर्च करतात, तिथं कोणत्याही चॅनलवाल्यांनी बोलून दाखवावं. इथं देखील चॅनलवाला आहे. त्याला विचार. पण तो थांबणार नाही. पुढील महिन्यात गावागावात तमाशा सुरू होतील. विचारणार का? ही विकली गेलेली लोकं आहेत. यावर मी आठ दिवस बोललो नाही, किती दुसऱ्याला त्रास द्यावा, याला देखील मर्यादा आहेत. 31 वर्षे झालं, त्रासच त्रास सुरू आहे. पण मी बोललो ते खरं होतं, हाच माझ्याबाबत घोटाळा आहे. मग अजून तमाशा होतो,’ असेही इंदुरीकर यांनी म्हटलं. Indurikar Maharaj | दरम्यान, इंदुरीकर महाराजांची मुलगी ज्ञानेश्वरी हिचा साखरपुडा संगमनेरमध्ये मोठ्या थाटात झाला. अंदाजे २००० लोकांच्या उपस्थित पार पडलेल्या शाही साखरपुड्याची मोठी चर्चा झाली होती. यावेळी राजकीय नेतेमंडळी देखील उपस्थित होते. महाराजांची लेक ज्ञानेश्वरी भला मोठा गाड्यांचा ताफा घेऊन मंगल कार्यालयात डोळ्यावर गॉगल लावून पोहोचली. लोकांना किर्तनातून साध्या पद्धतीने लग्न करण्याचा सल्ला देणाऱ्या इंदुरीकर महाराज यांना त्यांच्याच मुलीच्या साखरपुड्याच्या कार्यक्रमासाठी मोठ्या प्रमाणावर खर्च केला. यावर आता स्पष्टीकरण दिले आहे.Indurikar Maharaj | हेही वाचा: “राजा राम मोहन रॉय हे ब्रिटिशांचे एजंट होते” ; भाजपच्या मंत्र्याचे वादग्रस्त विधान, सर्व स्तरातून टीका
