Deul Band 2 poster : अध्यात्मिक आणि विज्ञानिक दृष्टीकोनावर आधारित कथा देऊळ बंद या सिनेमातून पाहायला मिळाली. आता पुन्हा एकदा तब्बल 11 वर्षांनी देऊळ बंदचा सिक्वल प्रेक्षकांच्या भेटीला येणार आहे. या सिनेमाचे पहिले पोस्टर समोर आले असून, पोस्टरमधून सिनेमाची रिलीज डेट जाहीर करण्यात आली आहे. त्यामुळे आता प्रेक्षकांचे लक्ष देऊळ बंद 2 च्या ट्रेलरकडे लागले आहे. त्यानुसार हा सिनेमा 21 मे 2026 रोजी राज्यभरातील सिनेमागृहामध्ये प्रदर्शित होणार आहे. मात्र, या सिनेमाचा ट्रेलर कधी येणार याविषयी माहिती देण्यात आलेली नाही. सिनेमाचे पोस्टर लक्ष वेधून घेणारे आहे. पोस्टरमध्ये देऊळाचा दरवाजा बंद असून, त्यावर कुलूप लावलले दिसत आहे. आता परीक्षा देवाची…अशी हटके टॅग लाईन पोस्टरवर दिसत आहे. प्रतीक्षा संपली! ‘देऊळ बंद 2’ 21 मे 2026 ला येतोय.@WriterPravin @AAFilmsIndia pic.twitter.com/jsx9Xw4V2Q — Marathi Film Trade (@marathi_cine) April 3, 2026 त्यामुळे सिक्वलची कथाही भन्नाट असणार असा तर्क लावला जात आहे. ज्यावेळी या सिनेमाचा पहिला भाग रिलीज झाला होता. ज्या प्रकारे प्रेक्षकांनी सिनेमाला उचलून धरले. त्यानंतर सिनेमाचा सिक्वल येणार हे निश्चित झाले होते. या सिनेमाची कथा, पटकथा आणि दिग्दर्शक प्रवीण तरडे यांनी केले आहे. पहिल्या भागातील कास्ट या नवीन सिनेमात पाहिला मिळणार का याची उत्सुकता शिगेला पोहचली आहे. पहिल्या भागात गश्मिर महाजनी, प्रविण तरडे, गरीजा जोशी, मोहन आगशे, मोहन जोशी आदी कलाकारांनी आपल्या सहज सुंदर अभिनयाने प्रेक्षकांना खेळवून ठेवली होते. या सिनेमाने अवघ्या चारच दिवसात आठ कोटींची कमाई केली होती. 2015 मध्ये सर्वाधिक काळ सिनेमागृहात चाललेला हा मराठी सिनेमा ठरला होता. हेही वाचा : Gold and Silver Price Today: आज पुन्हा सोन्याच्या दरात घसरण ; चांदीच्या दराविषयी काय परिस्थिती ? वाचा
