मोहाली – पुढील महिन्यात देशातील पाच राज्यांच्या विधानसभा निवडणुकांच्या तारखा जाहीर झाल्या आहेत.   राज्यांच्या निवडणुकामध्ये पंजाबचा सुद्धा  समावेश आहे. निवडणूक आयोगाने पंजाबमध्ये १४ फेब्रुवारी ही मतदानाची तारीख घोषित केलेली आहे. निवडणूक आयोगाने जाहीर केलेल्या तारखांनुसार, राज्यातील सर्व ११७ विधानसभा जागांसाठी एकाच टप्प्यात मतदान होणार असून १० मार्च रोजी निकाल जाहीर केला जाणार आहे.

मात्र पंजाबचे मुख्यमंत्री चरणजीत सिंह चन्नी यांनी आता निवडणूक आयोगाला ही निवडणूक किमान सहा दिवस पुढे ढकलण्याची मागणी केली आहे, त्यासाठी त्यांनी आयोगाला पत्रही लिहिले आहे.
गुरु रविदास जयंतीचा हवाला देत १४ फेब्रुवारी रोजी प्रस्तावित पंजाब विधानसभा निवडणुकीचे मतदान किमान सहा दिवस पुढे ढकलण्याचे आवाहन केले आहे.संत रविदास जयंतीनिमित्त १० ते १६ फेब्रुवारी दरम्यान सुमारे २० लाख भाविक वाराणसीला जाणार आहेत.

या संदर्भात त्यांची दलित समाजाच्या शिष्टमंडळाची भेट घेऊन निवडणुकीची तारीख अशा प्रकारे ठेवण्याची विनंती केली की, संत रविदास यांच्या जयंतीनिमित्त वाराणसी येथे होणाऱ्या कार्यक्रमातही त्यांना सहभागी होता येईल आणि मतदानाचा हक्क देखील बजावता येईल. या पार्श्वभूमीवर निवडणूक किमान सहा दिवस पुढे ढकलण्याचे त्यांनी निवडणूक आयोगाला आवाहन केले आहे.

Punjab CM Charanjit S Channi wrote to Chief Election Commissioner on Jan 13, requesting him “to postpone Feb 14 State Assembly polls for at least six days as many people from SC community from the State likely to visit Varanasi,in view of Guru Ravidas birth anniversary on Feb 16” pic.twitter.com/TzLzR3t2fn

— ANI (@ANI) January 15, 2022

 

त्यांनी हे पत्र १३ जानेवारी रोजी निवडणूक आयोगाला लिहिले होते, जे १५ जानेवारी रोजी समोर आले आहे, तर काँग्रेसनेही आगामी निवडणुकीसाठी शनिवारी ८६ उमेदवारांची यादी जाहीर केली आहे. यामध्ये सीएम चरणजीत सिंग चन्नी यांना चमकौर साहिबमधून उमेदवारी दिली आहे, तर पंजाब काँग्रेसचे अध्यक्ष नवज्योत सिंग सिद्धू हे अमृतसर पूर्वमधून काँग्रेसचे उमेदवार आहेत.