Akshay Khanna : ना दिखावा, ना स्टारडमचा रुबाब; कॅफेबाहेर स्पॉट झाला अक्षय खन्ना, सिंपल लूकचा व्हिडिओ व्हायरल
Akshay Khanna : अक्षय खन्नाचा एक व्हिडिओ सोशल मीडियावर व्हायरल झाला आहे. मुंबईतील एका प्रसिद्ध कॅफेबाहेरून बाहेर पडताना तो दिसत आहे.
Akshay Khanna : बॉलिवूड अभिनेता अक्षय खन्ना आपल्या दमदार आणि लक्षवेधी भूमिकांसाठी ओळखला जातो. ‘धुरंधर’मधील भूमिकेनंतर अक्षयला पुन्हा एकदा मोठ्या प्रमाणात लोकप्रियता मिळाली आहे. त्यामुळे त्याच्या आगामी प्रोजेक्ट्सविषयी चाहत्यांमध्ये नेहमीच उत्सुकता पाहायला मिळते. मात्र, वैयक्तिक आयुष्यात अक्षय प्रसिद्धी आणि ग्लॅमरपासून काहीसा दूर राहणे पसंत करतो. अशातच मुंबईतील एका कॅफेबाहेर तो पापाराझींच्या कॅमेऱ्यात कैद झाला असून, त्याचा साधासुधा लूक सध्या चर्चेचा विषय ठरत आहे.
अक्षय खन्नाचा एक व्हिडिओ सोशल मीडियावर व्हायरल झाला आहे. मुंबईतील एका प्रसिद्ध कॅफेबाहेरून बाहेर पडताना तो दिसत आहे. यावेळी त्याने कॅज्युअल लूक केला होता. कॉलर असलेला टी-शर्ट, जीन्स, डोळ्यांवर सनग्लासेस आणि हलकी दाढी असा त्याचा लूक होता. मात्र, त्याच्या लूकमधील सर्वात लक्षवेधी गोष्ट म्हणजे डोक्याभोवती बांधलेले पांढरे कापड. अक्षयचा हा साधा आणि सहज लूक चाहत्यांच्या पसंतीस उतरला आहे.
कॅफेबाहेर येताना अक्षयने कॅमेऱ्यांसमोर कोणतेही दिखावे न करता अगदी सहजपणे पापाराझींना पोज दिली. यावेळी निर्माता रजत रावलही त्याच्यासोबत दिसला. दोघांनी कॅमेऱ्यांसमोर एकत्र फोटोसाठी पोज दिली. अक्षय यावेळी अगदी निवांत मूडमध्ये असल्याचे पाहायला मिळाले.
View this post on Instagram
प्रसिद्धीपासून दूर, कामावर अधिक लक्ष
अक्षय खन्ना हा बॉलिवूडमधील अशा अभिनेत्यांपैकी एक आहे, जो सतत कॅमेऱ्यांच्या नजरेत राहण्यापेक्षा आपल्या कामाला प्राधान्य देतो. अनेक कलाकार विमानतळ, जिम, रेस्टॉरंट किंवा विविध कार्यक्रमांमध्ये सातत्याने पापाराझींच्या कॅमेऱ्यात दिसतात. मात्र, अक्षयचा सार्वजनिक वावर तुलनेने कमी आहे.
चित्रपटाचे प्रमोशन किंवा व्यावसायिक कामानिमित्तच तो क्वचितच सार्वजनिक ठिकाणी दिसतो. आपल्या वैयक्तिक आयुष्याबाबतही अक्षयने कायमच गोपनीयता जपली आहे. त्यामुळे तो जेव्हा एखाद्या अनौपचारिक भेटीदरम्यान कॅमेऱ्यात कैद होतो, तेव्हा त्याचे फोटो आणि व्हिडिओ लगेचच सोशल मीडियावर व्हायरल होतात.
‘महाकाली’मध्ये साकारणार शुक्राचार्यांची भूमिका
अक्षय खन्नाच्या आगामी कामाबद्दल बोलायचे झाल्यास, रणवीर सिंहच्या ‘धुरंधर’ चित्रपटातील त्याच्या भूमिकेचे खूप कौतुक झाले होते. आता अक्षय एका वेगळ्या आणि दमदार भूमिकेत प्रेक्षकांच्या भेटीला येणार आहे.
आगामी ‘महाकाली’ चित्रपटात अक्षय खन्ना शुक्राचार्यांची भूमिका साकारत आहे. चित्रपटातील त्याचा पहिला लूक समोर आल्यानंतर चाहत्यांमध्ये उत्सुकता वाढली आहे. चित्रपटाचा टीझरही नुकताच प्रदर्शित करण्यात आला आहे. ‘महाकाली’ हा चित्रपट ८ जानेवारी २०२७ रोजी प्रदर्शित होणार आहे.
