Nishikant Dubey on Pahalgam Attack ।  पंतप्रधान नरेंद्र मोदी यांच्या अध्यक्षतेखाली झालेल्या सुरक्षा विषयक मंत्रिमंडळ समितीच्या (सीसीएस) बैठकीत भारताने पाकिस्तानला मोठा धक्का दिला आहे. भारताने सिंधू पाणी करार थांबवण्याचा निर्णय घेतला आहे. केंद्र सरकारच्या या निर्णयावर भाजप खासदार निशिकांत दुबे यांनी प्रतिक्रिया दिली आहे. पंडित नेहरूंनी केलेल्या या कराराची तुलना त्यांनी सापाला पाणी देण्याशी केली.

भाजप खासदार निशिकांत दुबे यांनी सोशल मीडियावर एकपोस्ट केली आहे. ज्यामध्ये त्यांनी “सापाला पाणी देण्याच्या कराराचे नायक नेहरूजी होते, ज्यांनी १९६० मध्ये नोबेल पारितोषिक मिळविण्यासाठी सिंधू, रावी, बियास, चिनाब, सतलजचे पाणी देऊन भारतीयांचे रक्त सांडले, परंतु आज पंतप्रधान मोदींनी अन्न आणि पाणी देणे बंद केले आहे. पाकिस्तानी पाण्याशिवाय मरतील. ही ५६ इंचाची छाती हुक्का  अन्न आणि पाणी बंद करेल. आम्ही सनातनी भाजपचे कार्यकर्ते आहोत.  तुमचा छळ करून मारू” असे मोठे विधान केले आहे.

सॉंप को पानी पिलाने वाले समझौते के नायक नेहरु जी जिन्होंने 1960 में नोबेल पुरस्कार प्राप्त करने के चक्कर में सिंधु,रावी,व्यास,चिनाब,सतलुज का हमारा पानी पिलाकर हिंदुस्तानी का ख़ून बहाया,आज मोदी जी दाना पानी बंद कर दिया ।बिना पानी के पाकिस्तानी मरेंगे यह है 56 इंच का सीना…

— Dr Nishikant Dubey (@nishikant_dubey) April 23, 2025

परराष्ट्र सचिव विक्रम मिस्री यांनी देखील यावे प्रतिक्रिया दिली आहे. त्यांनी यावेळी,”भारताने सध्या सिंधू पाणी करार थांबवण्याचा निर्णय घेतला आहे. भारत-पाकिस्तान संबंधांमधील वाढत्या तणावाच्या पार्श्वभूमीवर हे पाऊल उचलण्यात आले आहे. यासोबतच, सरकारने सार्क अंतर्गत पाकिस्तानी नागरिकांना देण्यात येणाऱ्या सर्व व्हिसा सवलती रद्द करण्याचा निर्णय घेतला आहे. याशिवाय, भारतातील पाकिस्तानी दूतावास बंद करण्याची प्रक्रिया सुरू केली जात आहे. केंद्र सरकारने पाकिस्तानी राजदूतांना ४८ तासांच्या आत भारत सोडण्याचे निर्देश दिले आहेत. या निर्णयामुळे अटारी सीमा चेकपोस्ट देखील बंद होईल, ज्यामुळे भारत आणि पाकिस्तानमधील जमीनी संपर्क संपेल. हे सर्व निर्णय भारताची राष्ट्रीय सुरक्षा आणि अंतर्गत स्थिरता लक्षात घेऊन घेण्यात आले आहेत.

पाकिस्तानी अधिकाऱ्यांना देश सोडण्याचे आदेश Nishikant Dubey on Pahalgam Attack । 
नवी दिल्लीतील पाकिस्तान उच्चायुक्तालयातील संरक्षण, नौदल आणि हवाई दल सल्लागारांना ‘अवांछित व्यक्ती’ म्हणून घोषित करण्यात आले आहे. त्याला एका आठवड्यात भारत सोडावा लागेल. त्याचप्रमाणे, भारत इस्लामाबादमधील आपले लष्करी सल्लागार आणि पाच सहाय्यक कर्मचारी देखील परत बोलावेल. दोन्ही देशांच्या उच्चायोगांमधील एकूण कर्मचाऱ्यांची संख्या ५५ ​​वरून ३० पर्यंत कमी केली जाईल, जी १ मे पासून लागू होईल.

पंतप्रधान मोदींनी दिला कडक संदेश Nishikant Dubey on Pahalgam Attack । 
यापूर्वी, पंतप्रधान मोदींनी सोशल मीडियावर पोस्ट केली होती ज्यामध्ये त्यांनी,”ज्यांनी हा हल्ला केला त्यांना शिक्षा होईल. जम्मू आणि काश्मीरमधील पहलगाम येथे झालेल्या दहशतवादी हल्ल्याचा मी तीव्र निषेध करतो. ज्यांनी आपल्या प्रियजनांना गमावले आहे त्यांच्याबद्दल माझ्या संवेदना. जखमी लोक लवकरात लवकर बरे व्हावेत अशी मी प्रार्थना करतो. हल्ल्यात बाधित झालेल्या लोकांना सर्वतोपरी मदत केली जात आहे. या घृणास्पद कृत्यामागील लोकांना शिक्षा होईल. त्यांना सोडले जाणार नाही. त्यांचा नापाक अजेंडा कधीही यशस्वी होणार नाही. दहशतवादाविरुद्ध लढण्याचा आमचा निर्धार दृढ आहे आणि तो आणखी मजबूत होईल.” असे म्हटले होते.