नवी दिल्ली : अमेरिकेसह युरोपबरोबर व्यापार करणार करण्याची बोलणी सकारात्मक पातळीवर चालू असून ती अंतिम टप्प्यात आली आहे. लवकरच हे व्यापार करार करण्यात येतील असे अर्थमंत्री निर्मला सीतारामन यांनी स्पष्ट केले आहे.

व्यापार मेळयाचे उद्घाटन केल्यानंतर त्यांनी सांगितले की, भारताला जगाबरोबर संतुलित व्यापार हवा आहे. त्याचबरोबर भारताचा व्यापार 2030 पर्यंत दोन लाख कोटी डॉलरचा करण्यासाठी भारत गेल्या दहा वर्षापासून योग्य उपाययोजना करीत आहे. त्याचाच भाग म्हणून विविध देशाबरोबर व्यापार करार केले जात आहेत. अमेरिका आणि युरोप बरोबरही व्यापार करार होणार आहे.

भारताने अगोदरच संयुक्त अरब अमीरात, ऑस्ट्रेलिया, युरोपातील चार देश, ब्रिटन इत्यादी बरोबर यशस्वीरित्या व्यापार करार केला आहे. युरोप आणि अमेरिकेबरोबरचा व्यापार करार लवकरच होईल असे त्यांनी सांगितले. मात्र तारीख दिले नाही. अमेरिकेचे अध्यक्ष डोनाल्ड ट्रम्प यांनी 9 जुलै पूर्वी भारतासह अनेक देशांना अमेरिकेबरोबर व्यापार करार पूर्ण करण्याची सूचना केली आहे.

त्यानुसार 9 जुलै पूर्वी हे करार होण्याची शक्यता व्यक्त करण्यात येत आहे. गेल्या वर्षी जागतिक व्यापार चार टक्क्याने वाढला असताना भारताचा व्यापार मात्र 6.3 टक्क्याने यांनी वाढून 825 अब्ज डॉलरवर गेला आहे. जागतिक पातळीवर व्यापार युद्ध चालू असतानाही भारतातील निर्यातदार प्रवाहाच्या विरुद्ध लढून व्यापार वाढवीत असल्याबद्दल त्यांनी समाधान व्यक्त केले.